Safna fyrir nýju athvarfi fyrir villiketti og kisur sem bjargað er úr erfiðum aðstæðum Sylvía Rut Sigfúsdóttir skrifar 20. október 2017 15:00 Dýraverndunarfélagið Villikettir hefur tekið við mörgum veikum kisum og hjúkrað þeim til heilsu. Villikettir Dýraverndunarfélagið Villikettir tekur inn mörg hundruð ketti og kettlinga á hverju ári og hjálpar þeim að komast á ný heimili. Nú vantar félaginu húsnæði fyrir starfsemi sína til þess að geta hjálpað fleirum. Settu konurnar á bakvið samtökin því af stað söfnun á Karolinafund fyrir athvarf fyrir villi - og vergangskisur á Íslandi. „Skjólstæðingar félagsins eru kisur af öllum stærðum og gerðum, villi - og vergangskettir, kettlingar og kisur sem hafa búið við erfiðar aðstæður. Okkur langar að safna fyrir húsnæði til að geta hýst kisur í neyð, kisur í leit að heimili, litla kettlinga og kettlingafullar læður. Þörfin er mjög mikil - árlega þá erum við að koma að björgun milli tvö og þrjúhundruð katta. Við þurfum nú nauðsynlega á húsnæði að halda,“ segir á söfnunarsíðunni. „Við erum ótrúlega hissa og ánægðar, þetta er bara meiriháttar,“ segir María Krista Hreiðarsdóttir, ein af þeim sem stendur að baki félaginu og söfnuninni. Þegar þetta er skrifað er búið að safna fyrir 53 prósentum af upphæðinni en ennþá er nokkuð í land.Félaginu vantar húsnæði fyrir starfsemi sína til þess að geta hjálpað fleiri kisum í neyð.Villikettir„Um áramótin missum við hesthúsið þar sem við erum með tuttugu kisur í dag. Við erum að bíða eftir að fá lóð frá einhverju bæjarfélagi og erum að leita að staðsetningu sem hentar.“ María Krista segir að þær myndu þiggja bráðabirgðahúsnæði fyrir kisurnar þangað til nýtt húsnæði væri komið í notkun. „Við erum eiginlega pínu í vandræðum. Annars verðum við bara að koma þeim í fóstur og taka þær heim til okkar. Vonandi þarf ekki að bæta á húsnæðið okkar í Kristukoti því það athvarf er alveg sprungið utan af okkur.“ Draumur þeirra er að geta verið með tvö rými sem hýsa mætti læður með kettlinga, villinga á leið í geldingu og svo opið rými með kettlingum og kisum í mönnun þar sem þær venjast því að vera í kringum fólk. Vona þær að húsnæðið geti líka haft útigerði sem yrði eflaust vel nýtt.Algengt er að kettirnir sem finnast séu með augnsýkinguVillikettirDýraverndunarfélagið Villikettir hefur tekið við mörgum veikum kisum og hjúkrað þeim til heilsu. „Því miður er enn of algengt að kettir á bóndabæjum séu ekki geldir og því fæðast allt of margir kettlingar sem læðurnar ná hreinlega ekki að sinna og eru án eftirlits. Þeir eiga því miður ekki allir séns á heimili og því endar sú saga oftast á einn veg. Þessir kettlingar voru heppnir og eru nú í umsjón félagsins þar sem þeir fá lyf og umönnun allan sólarhringinn.“Sjá einnig: Kettlingar vanræktir á sveitabæÞessir vesalings kettlingar komu af sveitabæ. Þeir voru heppnir og eru nú í umsjón félagsins þar sem þeir fá lyf og umönnun allan sólarhringinn.VillikettirÞarf félagið líka oft að taka að sér kisur frá heimilum þar sem dýrahald hefur farið úr böndunum. Má þar nefna dæmi þar sem 100 kettir fundust í sama húsnæðinu. Á Karolinafund er saga kattarins Jón Páls sögð en hann var fjarlægður af heimili sem hafði misst tökin á dýrahaldi og þurfti að raka af honum feldinn sem var svo klepraður að dýrið gat sig varla hreyft. Loppurnar voru steyptar í úrgang, hann var mjög þunglyndur og við sáum ekki fram á að hann yrði nokkurn tíma glaður kisi aftur. Hann fékk þó á endanum yndislegt heimili og er nú kóngur í ríki sínu með fallegan feld, hraustur og kátur.Kötturinn Jón Páll fannst í slæmu ástandi.Villikettir„Umönnun lítilla móðurlausra kettlinga tekur heilmikið á sjálfboðaliða Villikatta. Pelagjöf er nauðsynleg á tveggja tíma fresti og fyrir vinnandi fólk þá getur þessi vinna verið óhemju krefjandi. Þó er öllu fórnað fyrir þessar ósjálfbjarga verur sem þrá ekkert heitar en að verða stór og sterk,“ segir á söfnunarsíðunni. Þessir kettlingar voru móðurlausir en fengu annað tækifæri þökk sé Villiköttum.VillikettirÞeir sem óska eftir því að taka að sér kisu frá félaginu Villikettir þurfa að fylla út umsókn á Facebook síðu Villikatta. Nánari upplýsingar um söfnunina má finna á Karolinafund. Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Dýraverndunarfélagið Villikettir tekur inn mörg hundruð ketti og kettlinga á hverju ári og hjálpar þeim að komast á ný heimili. Nú vantar félaginu húsnæði fyrir starfsemi sína til þess að geta hjálpað fleirum. Settu konurnar á bakvið samtökin því af stað söfnun á Karolinafund fyrir athvarf fyrir villi - og vergangskisur á Íslandi. „Skjólstæðingar félagsins eru kisur af öllum stærðum og gerðum, villi - og vergangskettir, kettlingar og kisur sem hafa búið við erfiðar aðstæður. Okkur langar að safna fyrir húsnæði til að geta hýst kisur í neyð, kisur í leit að heimili, litla kettlinga og kettlingafullar læður. Þörfin er mjög mikil - árlega þá erum við að koma að björgun milli tvö og þrjúhundruð katta. Við þurfum nú nauðsynlega á húsnæði að halda,“ segir á söfnunarsíðunni. „Við erum ótrúlega hissa og ánægðar, þetta er bara meiriháttar,“ segir María Krista Hreiðarsdóttir, ein af þeim sem stendur að baki félaginu og söfnuninni. Þegar þetta er skrifað er búið að safna fyrir 53 prósentum af upphæðinni en ennþá er nokkuð í land.Félaginu vantar húsnæði fyrir starfsemi sína til þess að geta hjálpað fleiri kisum í neyð.Villikettir„Um áramótin missum við hesthúsið þar sem við erum með tuttugu kisur í dag. Við erum að bíða eftir að fá lóð frá einhverju bæjarfélagi og erum að leita að staðsetningu sem hentar.“ María Krista segir að þær myndu þiggja bráðabirgðahúsnæði fyrir kisurnar þangað til nýtt húsnæði væri komið í notkun. „Við erum eiginlega pínu í vandræðum. Annars verðum við bara að koma þeim í fóstur og taka þær heim til okkar. Vonandi þarf ekki að bæta á húsnæðið okkar í Kristukoti því það athvarf er alveg sprungið utan af okkur.“ Draumur þeirra er að geta verið með tvö rými sem hýsa mætti læður með kettlinga, villinga á leið í geldingu og svo opið rými með kettlingum og kisum í mönnun þar sem þær venjast því að vera í kringum fólk. Vona þær að húsnæðið geti líka haft útigerði sem yrði eflaust vel nýtt.Algengt er að kettirnir sem finnast séu með augnsýkinguVillikettirDýraverndunarfélagið Villikettir hefur tekið við mörgum veikum kisum og hjúkrað þeim til heilsu. „Því miður er enn of algengt að kettir á bóndabæjum séu ekki geldir og því fæðast allt of margir kettlingar sem læðurnar ná hreinlega ekki að sinna og eru án eftirlits. Þeir eiga því miður ekki allir séns á heimili og því endar sú saga oftast á einn veg. Þessir kettlingar voru heppnir og eru nú í umsjón félagsins þar sem þeir fá lyf og umönnun allan sólarhringinn.“Sjá einnig: Kettlingar vanræktir á sveitabæÞessir vesalings kettlingar komu af sveitabæ. Þeir voru heppnir og eru nú í umsjón félagsins þar sem þeir fá lyf og umönnun allan sólarhringinn.VillikettirÞarf félagið líka oft að taka að sér kisur frá heimilum þar sem dýrahald hefur farið úr böndunum. Má þar nefna dæmi þar sem 100 kettir fundust í sama húsnæðinu. Á Karolinafund er saga kattarins Jón Páls sögð en hann var fjarlægður af heimili sem hafði misst tökin á dýrahaldi og þurfti að raka af honum feldinn sem var svo klepraður að dýrið gat sig varla hreyft. Loppurnar voru steyptar í úrgang, hann var mjög þunglyndur og við sáum ekki fram á að hann yrði nokkurn tíma glaður kisi aftur. Hann fékk þó á endanum yndislegt heimili og er nú kóngur í ríki sínu með fallegan feld, hraustur og kátur.Kötturinn Jón Páll fannst í slæmu ástandi.Villikettir„Umönnun lítilla móðurlausra kettlinga tekur heilmikið á sjálfboðaliða Villikatta. Pelagjöf er nauðsynleg á tveggja tíma fresti og fyrir vinnandi fólk þá getur þessi vinna verið óhemju krefjandi. Þó er öllu fórnað fyrir þessar ósjálfbjarga verur sem þrá ekkert heitar en að verða stór og sterk,“ segir á söfnunarsíðunni. Þessir kettlingar voru móðurlausir en fengu annað tækifæri þökk sé Villiköttum.VillikettirÞeir sem óska eftir því að taka að sér kisu frá félaginu Villikettir þurfa að fylla út umsókn á Facebook síðu Villikatta. Nánari upplýsingar um söfnunina má finna á Karolinafund.
Mest lesið Varaforsetaefni í bobba vegna hundsdráps og meints fundar með Kim Erlent Kolbeinn hafi strokið kynfæri stúlkunnar ítrekað Innlent Katrín efst en Jón hrynur í nýrri könnun Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Halla Hrund líka vinsæll annar kostur Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira