Velta tveggja stærstu bílaleiganna jókst um 1,5 milljarða

Tvær stærstu bílaleigur landsins voru reknar með rúmlega hálfs milljarðs króna hagnaði árið 2015. Samanlögð velta þeirra nam þá 8,7 milljörðum króna. Um er að ræða Alp hf. sem rekur bílaleigurnar Avis og Budget og Höld hf. sem á Bílaleigu Akureyrar.

Þetta kemur fram í DV í dag. Þar segir að velta fyrirtækjanna hafi aukist um 1,5 milljarða króna milli ára og hagnaður þeirra um 182 milljónir. Skráðir bílaleigubílar í umferð hafi verið 16.358 í júní 2015 og að Alp og Höldur hafi átt „umtalsverða hlutdeild í þeim fjölda“.