Minnst 25 eru látnir eftir tvær sjálfsmorðsárásir í Damaskus, höfuðborg Sýrlands. Sex ár eru í dag frá því að mótmælin sem leiddi til átakanna í Sýrlandi hófust. BBC greinir frá.
Aðeins um tveir tímar liðu á milli árásanna. Sú fyrri átti sér stað í miðborg Damaskus við dómshúsin þar í borg. Árásarmaðurinn er sagður hafa sprengt sjálfan sig í loft upp eftir að honum var meinaður aðgangur að Höll réttlætis í Damaskus, sem hýsir helstu réttarsali Sýrlands.
Síðari árásin var gerð í Rabweh, úthverfi Damaskus. Minnst 25 létust í fyrri árásinni en ekki hafa borist fregnar af mannfalli eftir síðari árásina.
Sex ár eru í dag frá því að mótmælendur létu til skarar skríða gegn ríkisstjórn Bashar al-Assad í kjölfar Arabíska vorsins, bylgju lýðræðisumbóta sem hófst árið 2011. Mótmælin umbreyttust fljót í hörð átök sem kostað hafa um 320 þúsund manns lífið.
Tvær sjálfsmorðsárásir á sex ára afmæli uppreisnarinnar í Sýrlandi
Tengdar fréttir
Al-Qaeda í Sýrlandi lýsir yfir ábyrgð á árásunum í Damaskus
Að minnsta kosti fjörutíu manns eru látnir eftir sprengingarnar á föstudaginn.
Tugir látnir og á annað hundrað særðir eftir sprengjuárásir í Damaskus
Sprengjuárásin átti sér stað á rútustöð í Damaskus, höfuðborg Sýrlands, í dag. Var árásunum beint að pílagrímsförum úr hópi sjíta múslima.
