Tveir Íslendingar kjörnir í nefndir FIA Finnur Thorlacius skrifar 21. desember 2017 15:18 Fáni Federation Internationale de L'Automobile (FIA) blaktir í aksturskeppni á vegum sambandsins. Ein af þeim leiðum sem Akstursíþróttafélag Íslands, AKÍS hefur til að efla samstarf um akstursíþróttir við önnur lönd er virk aðild Íslands að alþjóðasamtökum akstursfélaga, Federation Internationale de L'Automobile (FIA) ásamt N-Evrópusvæði alþjóðaakstursíþróttasambandsins (FIA North European Zone). Á síðustu árum hefur AKÍS tekið virkari þátt í nefndastörfum FIA NEZ. Tengsl við nágrannalönd okkar hafa þannig verið efld ásamt því að unnið hefur verið að breytingum á regluverki á Íslandi þannig að það verði líkara því sem gerist hjá öðrum löndum á svæðinu. Sú vinna hefur heppnast vel, meðal annars með samstarfi um torfæru en unnið er að svipuðum markmiðum varðandi aðrar keppnisgreinar. Í mörg ár hefur verið rætt um að AKÍS taki aukinn þátt í nefndarstörfum FIA með einhverjum hætti. Bæði gefur þetta Íslandi og íslenskum akstursíþróttum meiri sýnileika ásamt því að veita AKÍS innsýn og jafnvel áhrif á ákvarðanatöku hjá FIA. Yfirleitt er það margra ára ferli að ná inn nefndarmanni í nefndir FIA, því margir eru um hituna. Sett var vinna í það nú í sumar og haust að komast að því í hvaða nefndum Ísland gæti átt fulltrúa. Í samráði við stjórnendur átaksins Konur í akstursíþróttum var lagt til að Guðný Guðmarsdóttir yrði tilnefnd til setu í FIA Women in Motorsport Commission. Jón Bjarni Jónsson er vel þekktur í spyrnuheiminum og tilnefndi AKÍS hann til setu í FIA Drag Racing Commission. Það er afar ánægjulegt að segja frá því að á ársþingi FIA sem haldið var í París dagana 4. til 8. desember síðastliðinn, voru bæði Guðný og Jón Bjarni kjörin í þær nefndir sem þau voru tilnefnd í. Einnig var ákveðið að Ísland muni halda næsta FIA Women in Motorsport þing sem haldið verður árið 2020. Stjórn AKÍS óskar þeim til hamingju með að vera fyrstu Íslendingar sem sitja sem aðalmenn í nefndum FIA. Vonandi verður þetta til þess að Ísland eignist fulltrúa í fleiri nefndum og starfshópum innan FIA. Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Sigríði þykir ólíklegt að hún nái undirskriftum Innlent Spaðar Rauðu myllunnar hrundu til jarðar í nótt Erlent Tveir létust í banaslysi í Eyjafirði Innlent Segir borgarstjóra óttalegan vettling Innlent Sánchez íhugar að segja af sér vegna meintrar spillingar Erlent Skipulögðu árásir í Þýskalandi og víðar í nafni ISKP Erlent Eiríkur og Bjarni takast á um nefnd um íslenska tungu Innlent „Dapurlegt“ að andstæðingar bólusetninga hafi svo mikil áhrif Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Ein af þeim leiðum sem Akstursíþróttafélag Íslands, AKÍS hefur til að efla samstarf um akstursíþróttir við önnur lönd er virk aðild Íslands að alþjóðasamtökum akstursfélaga, Federation Internationale de L'Automobile (FIA) ásamt N-Evrópusvæði alþjóðaakstursíþróttasambandsins (FIA North European Zone). Á síðustu árum hefur AKÍS tekið virkari þátt í nefndastörfum FIA NEZ. Tengsl við nágrannalönd okkar hafa þannig verið efld ásamt því að unnið hefur verið að breytingum á regluverki á Íslandi þannig að það verði líkara því sem gerist hjá öðrum löndum á svæðinu. Sú vinna hefur heppnast vel, meðal annars með samstarfi um torfæru en unnið er að svipuðum markmiðum varðandi aðrar keppnisgreinar. Í mörg ár hefur verið rætt um að AKÍS taki aukinn þátt í nefndarstörfum FIA með einhverjum hætti. Bæði gefur þetta Íslandi og íslenskum akstursíþróttum meiri sýnileika ásamt því að veita AKÍS innsýn og jafnvel áhrif á ákvarðanatöku hjá FIA. Yfirleitt er það margra ára ferli að ná inn nefndarmanni í nefndir FIA, því margir eru um hituna. Sett var vinna í það nú í sumar og haust að komast að því í hvaða nefndum Ísland gæti átt fulltrúa. Í samráði við stjórnendur átaksins Konur í akstursíþróttum var lagt til að Guðný Guðmarsdóttir yrði tilnefnd til setu í FIA Women in Motorsport Commission. Jón Bjarni Jónsson er vel þekktur í spyrnuheiminum og tilnefndi AKÍS hann til setu í FIA Drag Racing Commission. Það er afar ánægjulegt að segja frá því að á ársþingi FIA sem haldið var í París dagana 4. til 8. desember síðastliðinn, voru bæði Guðný og Jón Bjarni kjörin í þær nefndir sem þau voru tilnefnd í. Einnig var ákveðið að Ísland muni halda næsta FIA Women in Motorsport þing sem haldið verður árið 2020. Stjórn AKÍS óskar þeim til hamingju með að vera fyrstu Íslendingar sem sitja sem aðalmenn í nefndum FIA. Vonandi verður þetta til þess að Ísland eignist fulltrúa í fleiri nefndum og starfshópum innan FIA.
Mest lesið „Breiðholt mesta fátæktargildra landsins“ Innlent Tíu sektaðir vegna notkunar nagladekkja Innlent Sigríði þykir ólíklegt að hún nái undirskriftum Innlent Spaðar Rauðu myllunnar hrundu til jarðar í nótt Erlent Tveir létust í banaslysi í Eyjafirði Innlent Segir borgarstjóra óttalegan vettling Innlent Sánchez íhugar að segja af sér vegna meintrar spillingar Erlent Skipulögðu árásir í Þýskalandi og víðar í nafni ISKP Erlent Eiríkur og Bjarni takast á um nefnd um íslenska tungu Innlent „Dapurlegt“ að andstæðingar bólusetninga hafi svo mikil áhrif Innlent Fleiri fréttir Fær einn af sextíu forsetaframbjóðendum upp í bíl til sín Sjá meira