Innlent

Lögregla þurfti að reka ferðamenn af ísnum á Jökulsárlóni

Ingvar Þór Björnsson skrifar
Lögreglan hefur verið kölluð út þó nokkrum sinnum síðustu ár vegna ferðamanna sem ganga út á ísinn á Jökulsárlóni.
Lögreglan hefur verið kölluð út þó nokkrum sinnum síðustu ár vegna ferðamanna sem ganga út á ísinn á Jökulsárlóni. Ragnar Unnarsson

Fjöldi ferðamanna fór út á ísinn á Jökulsárlóni fyrr í dag og þurfti að kalla til lögreglu til að reka fólkið í land. Meðal þeirra sem fóru út á ísinn voru brúðhjón í myndatöku.

Ragnar Unnarsson leiðsögumaður sá fólkið og hafði samband við starfsmenn Vatnajökulsþjóðgarðs. Lögreglan mætti í kjölfarið og kallaði til fólksins að það þyrfti að fara af ísnum. Eins og sjá má á meðfylgjandi myndum voru sumir komnir langt út á ísinn. 

Þetta er ekki í fyrsta skipti sem lögreglan þarf að hafa afskipti af fólki sem fer út á ísinn. Björgunarsveitir hafa tekið upp á því að vakta Jökulsárlón svo að fólk fari ekki út á ísinn og einnig er skilti á staðnum þar sem þetta er brýnt fyrir fólki.

Brúðhjón fóru út á ísinn til að láta mynda sig. Ragnar Unnarsson
Ferðamennirnir voru sannarlega komnir á hálan ís. Ragnar Unnarsson


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.