Forseti Íslands Guðni Th. Jóhannesson hefur boðað Katrínu Jakobsdóttur, formann Vinstri hreyfingarinnar – græns framboðs, til fundar við sig á Bessastöðum á morgun, þriðjudaginn 28. nóvember, kl. 10:30.
Viðræður Vinstri grænna, Sjálfstæðisflokks og Framsóknarflokks hafa borið árangur og hafa formenn flokkanna kynnt málefnasamninginn fyrir þingmönnum sínum í dag. Þá hafa formenn fundað með formönnum annarra flokka varðandi fjárlagafrumvarpsgerð og hvenær þing geti komið saman.
Ekki liggur fyrir hvernig flokkarnir skipti með sér ráðuneytum. Þó liggur fyrir að í viðræðunum hefur verið lagt upp með að Katrín yrði forsætisráðherra í nýrri ríkisstjórn.
Guðni boðar Katrínu á sinn fund
Tengdar fréttir
Vonast til að Alþingi geti komið saman í næstu viku
Formenn stjórnmálaflokkanna átta sem sæti eiga á þingi hittust á fundi í þinghúsinu klukkan 12.
Yrði hissa ef fjárlagafrumvarpið yrði lagt óbreytt fyrir þingið
Þingmaður VG segir enn óákveðið hvernig staðið verði að fjárlagafrumvarpi.
Þingflokkunum kynntur sáttmálinn
Formenn flokkanna þriggja kynna afrakstur vinnu sinnar við gerð stjórnarsáttmála.
Kraumandi óánægjan brýst út á vegg Kolbeins
Kolbeinn Óttarsson Proppé fær það óþvegið á Facebookvegg sínum.
