Alvarlegt umferðarslys á Skógasandi

Alvarlegt umferðarslys varð á Suðurlandsvegi á Skógasandi nú á öðrum tímanum í dag þegar tveir bílar skullu saman á veginum.

Samkvæmt upplýsingum Vísis eru fjórir slasaðir. Þyrla Landhelgisgæslunnar var kölluð út en afturkölluð þegar fyrstu viðbragðsaðilar komu á staðinn.

Uppfært klukkan 14:25: Samkvæmt upplýsingum frá lögreglunni á Suðurlandi var alvarleiki slyssins minni en talið var í fyrstu. Fjórir voru fluttir á slysadeild en enginn þeirra er í lífshættu eða mjög alvarlega slasaður.