Tekjurnar námu 16,2 milljónum

Tekjur Reykjavík Media námu 16,2 milljónum króna á síðasta ári og skilaði félagið 6,2 milljónum í rekstrarafgang. Fyrirtækið er í eigu Jóhannesar Kr. Kristjánssonar fjölmiðlamanns.

Fyrirtækið vann að umfangsmikilli fréttaumfjöllun um Panamaskjölin og tengsl forsætisráðherrahjónanna fyrrverandi, Sigmundar Davíðs Gunnlaugssonar og Önnu Sigurlaugar Pálsdóttur, við félagið Wintris.

Fyrirtækið safnaði 100 þúsund evrum, eða sem nemur rúmum 12 milljónum króna, í gegnum fjársöfnunarvefinn Karolina Fund.