„Ekkert annað en afhroð fyrir Verkamannaflokkinn“ Sunna Kristín Hilmarsdóttir skrifar 11. september 2017 22:37 Jonas Gahr Støre, formaður Verkamannaflokksins, ávarpar flokksmenn sína á kosningavöku í kvöld. Flokkurinn fékk sína verstu kosningu í þingkosningum í 16 ár. vísir/epa Flest bendir til þess að hægristjórn Ernu Solberg, formanns Hægriflokksins í Noregi og forsætisráðherra, haldi meirihluta sínum á norska þinginu en kjörstöðum í landinu var lokað klukkan 19 að íslenskum tíma í kvöld. Verkamannaflokkurinn er stærsti flokkur landsins en tapar þó miklu fylgi frá því í seinustu kosningum og fer undir 30 prósentin, er með 27,4 prósent þegar þetta er skrifað. Er það versta kosning flokksins síðan árið 2001 samkvæmt frétt Norska ríkisútvarpsins, NRK. Þegar talin höfðu verið um 95,1 prósent atkvæða um klukkan 6 í morgun fær hægri blokkin 89 þingmenn en vinstri blokkin 80 þingmenn. Alls eru 169 þingsæti á norska þinginu. Hægriflokkur Solberg er næststærsti flokkurinn með um 25,1 prósent atkvæða. Eiríkur Bergmann, prófessor í stjórnmálafræði, segir að mesta spennan sé í raun á botninum, það er hvaða litlu flokkar rjúfi fjögurra prósenta múrinn og fái þá uppbótarþingmenn með kjördæmakjörna þingmanninum. Það gæti haft áhrif á hvernig sætin raðast þó að hann segi það ólíklegt að vinstri menn nái meirihluta á þinginu. Þá bíði Verkamannaflokkurinn afhroð. „Þetta er ekkert annað en afhroð fyrir Verkamannaflokkinn að fara undir 30 prósent og þetta langt undir að því er virðist.“Eiríkur Bergmann, prófessor í stjórnmálafræði, segir að svo virðist sem samfélagsleg staða formanns Verkamannaflokksins hafi haft áhrif í kosningunum. vísir/EyþórVeik staða formannsins sem tilheyrir norsku elítunni Aðspurður um stöðu formanns flokksins, Jonas Gahr Støre, segir Eiríkur að hún sé auðvitað veik. Skömmu fyrir kosningarnar voru þó teikn á lofti um að svona gæti farið fyrir flokknum þar sem á seinustu metrum kosningabaráttunnar var mikið rætt um Støre og þá staðreynd að hann er einn ríkasti maður Noregs. „Þetta er eiginlega þannig að það er aðalsmaður að leiða flokk almúgans, auðvitað í óeiginlegri merkingu, en hann er í efsta lagi auðvalds elítu Noregs og það kannski bara vekur upp ákveðnar spurningar um hvaða ásýnd það gefi flokknum,“ segir Eiríkur og heldur áfram: „Hann virðist einkar vandaður maður sem varla má vamm sitt vita svo þetta hefur ekkert endilega með persónu hans að gera eða þá pólitík sem hann stundar. Það virðist þó hafa setið í sumum að hann sé nú kannski sjálfur dálítið langt frá því fólki sem hann á að vera fulltrúi fyrir.“ Umræðan um hann hafi farið af stað á lokametrum baráttunnar, hún hafi verið hávær og snúist mikið um að það væri mótsagnakennt að hann væri í forsvari fyrir Verkamannaflokkinn. Þá vilji margir meina að umræðan í garð Støre hafi verið óvægin. „Það virðist hafa haft ákveðin áhrif,“ segir Eiríkur.Sylvi Listhaug, ráðherra innflytjendamála og meðlimur Framfaraflokksins, er hér ásamt dómsmálaráðherranum Anders Anundsen. Hún er talin hafa bjargað kosningabaráttunni fyrir flokkinn sinn með því að spila útlendingakortinu.vísir/epaFramfaraflokkurinn bjargaði kosningabaráttunni með útlendingakortinu Hann segir að Erna Solberg megi vel við una miðað við aðstæður. Flokkur hennar tapi vissulega fylgi en ekki eins miklu og stjórnarflokkar stundum gera. Þá hafi samstarfsflokkur Hægriflokksins í ríkisstjórn, Framfaraflokkurinn, „bjargað kosningabaráttunni með því að spila útlendingakortinu“ eins og Eiríkur orðar það og vísar þá í orð Sylvi Listhaug, ráðherra innflytjendamála, sem varaði Norðmenn við því að landið tæki upp svipaða stefnu í innflytjendamálum og nágrannaríkið Svíþjóð. Slík taktík hjá þeim flokki ætti þó ekki að koma á óvart þar sem hann talar fyrir harðri stefnu í innflytjendamálum. Listhaug fór meðal annars í ferð til Svíþjóðar í kosningabaráttunni og heimsótti úthverfi í Malmö, Gautaborg og Stokkhólmi. Hélt hún því í kjölfarið fram að það væru um 60 hverfi í borgum Svíþjóðar sem væru skilgreind sem svokölluð „no-go zones,“ það er svæði þangað sem lögreglan treystir sér ekki til að fara inn í. Sænska lögreglan sagði þetta af og frá en viðurkenndi fúslega að það væru vandræði með ungmennagengi í ákveðnum úthverfum ýmissa borga. Þá sagði lögreglan í Malmö að flestir þeirra sem þar kæmust í kast við lögin væru fæddir í Svíþjóð en ekki flóttamenn eða hælisleitendur sem væru nýkomnir til landsins. Myndin sem Listhaug dró hins vegar upp fyrir Norðmönnum í kosningabaráttunni var hins vegar sú að Svíar væru í miklum vandræðum vegna þess mikla fjölda af flóttamönnum og hælisleitendum sem þeir hafa tekið á móti undanfarin ár. Þingkosningar í Noregi Tengdar fréttir Hægrimenn halda velli á norska þinginu samkvæmt útgönguspám Hægrimenn halda meirihluta sínum á norska þinginu samkvæmt útgönguspám allra helstu fjölmiðla Noregs. 11. september 2017 19:18 Verkamannaflokkurinn mælist enn með mest fylgi í Noregi Verkamannaflokkurinn undir forystu Jonas Gahr Støre mælist stærstur í aðdraganda norsku þingkosninganna, með 28,1 prósents fylgi. Þetta er niðurstaða könnunar sem TNS gerði fyrir TV2 og birtist í gær. Íhaldsflokkur forsætisráðherrans Ernu Solberg mælist með 23,4 prósenta stuðning. 8. september 2017 06:00 Norski Framfaraflokkurinn bætir við sig fylgi Yrðu úrslit kosninganna í takt við nýja könnun NRK myndu borgaralegu flokkarnir naumlega halda meirihluta sínum á norska þinginu. 6. september 2017 10:24 Mest lesið Birgir Guðjónsson er látinn Innlent Börnum haldið innilokuðum í „hryllingshúsi“ í fleiri ár Erlent Tilkynnt um mann vopnaðan skotvopni og einn handtekinn Innlent Kaffistofa leigubílstjóra orðin „nyrsta moska í heimi“ Innlent Verkalýðsdagurinn haldinn í skugga sjálftöku forystumanna Innlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Var svo „þreyttur á öllu“ að hann ákvað að aka inn í þvögu barna Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira
Flest bendir til þess að hægristjórn Ernu Solberg, formanns Hægriflokksins í Noregi og forsætisráðherra, haldi meirihluta sínum á norska þinginu en kjörstöðum í landinu var lokað klukkan 19 að íslenskum tíma í kvöld. Verkamannaflokkurinn er stærsti flokkur landsins en tapar þó miklu fylgi frá því í seinustu kosningum og fer undir 30 prósentin, er með 27,4 prósent þegar þetta er skrifað. Er það versta kosning flokksins síðan árið 2001 samkvæmt frétt Norska ríkisútvarpsins, NRK. Þegar talin höfðu verið um 95,1 prósent atkvæða um klukkan 6 í morgun fær hægri blokkin 89 þingmenn en vinstri blokkin 80 þingmenn. Alls eru 169 þingsæti á norska þinginu. Hægriflokkur Solberg er næststærsti flokkurinn með um 25,1 prósent atkvæða. Eiríkur Bergmann, prófessor í stjórnmálafræði, segir að mesta spennan sé í raun á botninum, það er hvaða litlu flokkar rjúfi fjögurra prósenta múrinn og fái þá uppbótarþingmenn með kjördæmakjörna þingmanninum. Það gæti haft áhrif á hvernig sætin raðast þó að hann segi það ólíklegt að vinstri menn nái meirihluta á þinginu. Þá bíði Verkamannaflokkurinn afhroð. „Þetta er ekkert annað en afhroð fyrir Verkamannaflokkinn að fara undir 30 prósent og þetta langt undir að því er virðist.“Eiríkur Bergmann, prófessor í stjórnmálafræði, segir að svo virðist sem samfélagsleg staða formanns Verkamannaflokksins hafi haft áhrif í kosningunum. vísir/EyþórVeik staða formannsins sem tilheyrir norsku elítunni Aðspurður um stöðu formanns flokksins, Jonas Gahr Støre, segir Eiríkur að hún sé auðvitað veik. Skömmu fyrir kosningarnar voru þó teikn á lofti um að svona gæti farið fyrir flokknum þar sem á seinustu metrum kosningabaráttunnar var mikið rætt um Støre og þá staðreynd að hann er einn ríkasti maður Noregs. „Þetta er eiginlega þannig að það er aðalsmaður að leiða flokk almúgans, auðvitað í óeiginlegri merkingu, en hann er í efsta lagi auðvalds elítu Noregs og það kannski bara vekur upp ákveðnar spurningar um hvaða ásýnd það gefi flokknum,“ segir Eiríkur og heldur áfram: „Hann virðist einkar vandaður maður sem varla má vamm sitt vita svo þetta hefur ekkert endilega með persónu hans að gera eða þá pólitík sem hann stundar. Það virðist þó hafa setið í sumum að hann sé nú kannski sjálfur dálítið langt frá því fólki sem hann á að vera fulltrúi fyrir.“ Umræðan um hann hafi farið af stað á lokametrum baráttunnar, hún hafi verið hávær og snúist mikið um að það væri mótsagnakennt að hann væri í forsvari fyrir Verkamannaflokkinn. Þá vilji margir meina að umræðan í garð Støre hafi verið óvægin. „Það virðist hafa haft ákveðin áhrif,“ segir Eiríkur.Sylvi Listhaug, ráðherra innflytjendamála og meðlimur Framfaraflokksins, er hér ásamt dómsmálaráðherranum Anders Anundsen. Hún er talin hafa bjargað kosningabaráttunni fyrir flokkinn sinn með því að spila útlendingakortinu.vísir/epaFramfaraflokkurinn bjargaði kosningabaráttunni með útlendingakortinu Hann segir að Erna Solberg megi vel við una miðað við aðstæður. Flokkur hennar tapi vissulega fylgi en ekki eins miklu og stjórnarflokkar stundum gera. Þá hafi samstarfsflokkur Hægriflokksins í ríkisstjórn, Framfaraflokkurinn, „bjargað kosningabaráttunni með því að spila útlendingakortinu“ eins og Eiríkur orðar það og vísar þá í orð Sylvi Listhaug, ráðherra innflytjendamála, sem varaði Norðmenn við því að landið tæki upp svipaða stefnu í innflytjendamálum og nágrannaríkið Svíþjóð. Slík taktík hjá þeim flokki ætti þó ekki að koma á óvart þar sem hann talar fyrir harðri stefnu í innflytjendamálum. Listhaug fór meðal annars í ferð til Svíþjóðar í kosningabaráttunni og heimsótti úthverfi í Malmö, Gautaborg og Stokkhólmi. Hélt hún því í kjölfarið fram að það væru um 60 hverfi í borgum Svíþjóðar sem væru skilgreind sem svokölluð „no-go zones,“ það er svæði þangað sem lögreglan treystir sér ekki til að fara inn í. Sænska lögreglan sagði þetta af og frá en viðurkenndi fúslega að það væru vandræði með ungmennagengi í ákveðnum úthverfum ýmissa borga. Þá sagði lögreglan í Malmö að flestir þeirra sem þar kæmust í kast við lögin væru fæddir í Svíþjóð en ekki flóttamenn eða hælisleitendur sem væru nýkomnir til landsins. Myndin sem Listhaug dró hins vegar upp fyrir Norðmönnum í kosningabaráttunni var hins vegar sú að Svíar væru í miklum vandræðum vegna þess mikla fjölda af flóttamönnum og hælisleitendum sem þeir hafa tekið á móti undanfarin ár.
Þingkosningar í Noregi Tengdar fréttir Hægrimenn halda velli á norska þinginu samkvæmt útgönguspám Hægrimenn halda meirihluta sínum á norska þinginu samkvæmt útgönguspám allra helstu fjölmiðla Noregs. 11. september 2017 19:18 Verkamannaflokkurinn mælist enn með mest fylgi í Noregi Verkamannaflokkurinn undir forystu Jonas Gahr Støre mælist stærstur í aðdraganda norsku þingkosninganna, með 28,1 prósents fylgi. Þetta er niðurstaða könnunar sem TNS gerði fyrir TV2 og birtist í gær. Íhaldsflokkur forsætisráðherrans Ernu Solberg mælist með 23,4 prósenta stuðning. 8. september 2017 06:00 Norski Framfaraflokkurinn bætir við sig fylgi Yrðu úrslit kosninganna í takt við nýja könnun NRK myndu borgaralegu flokkarnir naumlega halda meirihluta sínum á norska þinginu. 6. september 2017 10:24 Mest lesið Birgir Guðjónsson er látinn Innlent Börnum haldið innilokuðum í „hryllingshúsi“ í fleiri ár Erlent Tilkynnt um mann vopnaðan skotvopni og einn handtekinn Innlent Kaffistofa leigubílstjóra orðin „nyrsta moska í heimi“ Innlent Verkalýðsdagurinn haldinn í skugga sjálftöku forystumanna Innlent Mun sjá eftir árásinni alla ævi Innlent Yfirgefa Svíþjóð til að hraða þróun rafmagnsflugvélar Erlent Var svo „þreyttur á öllu“ að hann ákvað að aka inn í þvögu barna Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira
Hægrimenn halda velli á norska þinginu samkvæmt útgönguspám Hægrimenn halda meirihluta sínum á norska þinginu samkvæmt útgönguspám allra helstu fjölmiðla Noregs. 11. september 2017 19:18
Verkamannaflokkurinn mælist enn með mest fylgi í Noregi Verkamannaflokkurinn undir forystu Jonas Gahr Støre mælist stærstur í aðdraganda norsku þingkosninganna, með 28,1 prósents fylgi. Þetta er niðurstaða könnunar sem TNS gerði fyrir TV2 og birtist í gær. Íhaldsflokkur forsætisráðherrans Ernu Solberg mælist með 23,4 prósenta stuðning. 8. september 2017 06:00
Norski Framfaraflokkurinn bætir við sig fylgi Yrðu úrslit kosninganna í takt við nýja könnun NRK myndu borgaralegu flokkarnir naumlega halda meirihluta sínum á norska þinginu. 6. september 2017 10:24