Guðfinna gerir ekki ráð fyrir nýrri forystu Framsóknarflokksins Jakob Bjarnar skrifar 19. september 2017 11:45 Guðfinna studdi Sigmund Davíð í hörðum kosningaslag þar sem Sigurður Ingi hafði betur. Guðfinna gerir ráð fyrir óbreyttri forystu í komandi alþingiskosningum. Guðfinna Jóh. Guðmundsdóttir, borgarfulltrúi Framsóknarflokksins í Reykjavík, hefur ákveðið að söðla um, hverfa úr sveitarstjórnarmálunum og bjóða sig fram í komandi alþingiskosningum. Þetta kom fram í morgun. Vísir ræddi stuttlega við Guðfinnu um stöðu mála, spurði hana hvað hefði orðið til þess að hún tók þessa ákvörðun? „Ég hef alltaf haft áhuga á landsmálum. Á næsta kjörtímabili verður að bæta hag þeirra sem verst eru settir í þjóðfélaginu og ég vil leggja mitt af mörkum til þess. Ég tel einnig að reynsla mín og þekking í húsnæðismálum geta nýst á Alþing.“Vísar meintri útlendingaandúð á bug Guðfinna segir að frá því á föstudag hafi margir haft samband og skorað á sig að fara fram. Hún tók ákvörðun um það á sunnudagskvöldið, að láta slag standa. Mjög skammur aðdragandi. „Ég hef alltaf verið mjög pólitísk, var byrjuð að rífast um pólitík 12 ára,“ segir Guðfinna. Mjög skammur aðdragandi var einnig þegar Guðfinna fór fram fyrir Framsóknarflokkinn í borginni í síðustu borgarstjórarkosningum, eða rétt rúmur mánuður. Þá stóð flokkurinn afar höllum fæti í skoðanakönnunum en ný forysta var skipuð og hún, ásamt Sveinbjörgu Birnu Sveinbjörnsdóttur, leiddu flokkinn til kosningasigurs. Margir vilja meina að það hafi þær gert með óprúttnum aðferðum, daðri við útlendingaandúð og andstöðu við byggingu mosku í Reykjavík. Guðfinna hefur ætíð vísað því á bug og sagt að afstaða sín til moskubyggingu sé almenns eðlis, að hún sé mótfallin því að borgin gefi trúarhópum lóðir undir slíkar byggingar. Sama hverjir þeir hópar eru.Segir flokkinn mæta samstiga til kosninga Staða Framsóknarflokksins er forvitnileg. Ekki er gróið um heilt milli formanns og fyrrverandi formanns, þeirra Sigurðar Inga Jóhannssonar og Sigmundar Davíðs Gunnlaugssonar sem tókust á í harkalegum formannsslag. Og hafa vart ræðst við þó Sigmundur Davíð sé leiðtogi flokksins í Norðurlandi eystra. Mætir flokkurinn ekki daghaltur til kosninga? „Ég myndi ekki segja að flokkurinn sé klofinn. Flokkurinn mun mæta sterkur og samstiga til kosninga. Á fundi Framsóknarfélags Reykjavíkur í gær var mjög góð stemmning.“Ekki verið rætt að Lilja taki við formennsku Talandi um þann fund, þá virðist hafa verið stemmning fyrir því að Lilja Dögg Alfreðsdóttir, varaformaður, taki við formennsku. Guðfinna segir hins vegar að enginn hafi verið að tala um það. En, er það eitthvað sem kemur til álita í hennar huga? „Ég tel að það sé engin ástæða til þess að skipta um forystu fyrir kosningarnar.“ Guðfinna studdi Sigmund Davíð eindregið í formannsslag en telur þó ekki vert að skipta um forystu fyrir komandi kosningar. „Núna á flokkurinn að einbeita sér að kosningunum og þeim málum sem flokkurinn ætlar sér að berjast fyrir.“Ég skil þig svo að þú teljir að Sigmundur Davíð eigi að una niðurstöðu formannskosninganna? „Ég hef ekki orðið vör við neitt annað en það að flokksmenn séu sammála um að forystan verði óbreytt í kosningunum.“Áhersla lögð á kjör þeirra sem höllustum fæti standa Í nýrri könnun fréttastofu 365, sem birtist í morgun, kemur fram að Framsóknarflokkurinn nýtur rösklega 10 prósenta fylgis. Guðfinna segist hingað til ekki hafa misst svefn yfir skoðanakönnunum. En, hver verður sérstaða Framsóknarflokksins í kosningunum? „Við erum þessa dagana að undirbúa stefnumálin en áhersla verður lögð á að bæta kjör þeirra sem standa höllustum fæti í þjóðfélaginu.“ Guðfinna segir að það muni skýrast á allra næstu dögum hvort hún muni leiða lista á Reykjavík norður, en Framsóknarflokkurinn er ekki með neinn þingmann þar sem stendur. Guðfinna segir auðvitað að stefnt verði að því að breyta því.Óvissa í borginniEn, nú er flokkurinn í uppnámi í borginni, Sveinbjörg búin að segja sig úr flokknum og sveitarstjórnarkosningar á næsta leyti. Hvernig standa þau mál? Er ekki vont að hverfa af þeim vettvangi við slíkan glundroða? „Í borgarmálahópi Framsóknar er 30-40 manns sem er mjög samstæður og góður hópur. Það kemur alltaf maður í manns stað.“ Guðfinna segir að ekki liggi fyrir á þessari stundu hver mun leiða flokkinn í borginni. Kosningar 2017 Mest lesið Sjö fluttir með þyrlu eftir rútuslys á Suðurlandi Innlent Allir um borð í rútunni Íslendingar Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Guðfinna Jóh. Guðmundsdóttir, borgarfulltrúi Framsóknarflokksins í Reykjavík, hefur ákveðið að söðla um, hverfa úr sveitarstjórnarmálunum og bjóða sig fram í komandi alþingiskosningum. Þetta kom fram í morgun. Vísir ræddi stuttlega við Guðfinnu um stöðu mála, spurði hana hvað hefði orðið til þess að hún tók þessa ákvörðun? „Ég hef alltaf haft áhuga á landsmálum. Á næsta kjörtímabili verður að bæta hag þeirra sem verst eru settir í þjóðfélaginu og ég vil leggja mitt af mörkum til þess. Ég tel einnig að reynsla mín og þekking í húsnæðismálum geta nýst á Alþing.“Vísar meintri útlendingaandúð á bug Guðfinna segir að frá því á föstudag hafi margir haft samband og skorað á sig að fara fram. Hún tók ákvörðun um það á sunnudagskvöldið, að láta slag standa. Mjög skammur aðdragandi. „Ég hef alltaf verið mjög pólitísk, var byrjuð að rífast um pólitík 12 ára,“ segir Guðfinna. Mjög skammur aðdragandi var einnig þegar Guðfinna fór fram fyrir Framsóknarflokkinn í borginni í síðustu borgarstjórarkosningum, eða rétt rúmur mánuður. Þá stóð flokkurinn afar höllum fæti í skoðanakönnunum en ný forysta var skipuð og hún, ásamt Sveinbjörgu Birnu Sveinbjörnsdóttur, leiddu flokkinn til kosningasigurs. Margir vilja meina að það hafi þær gert með óprúttnum aðferðum, daðri við útlendingaandúð og andstöðu við byggingu mosku í Reykjavík. Guðfinna hefur ætíð vísað því á bug og sagt að afstaða sín til moskubyggingu sé almenns eðlis, að hún sé mótfallin því að borgin gefi trúarhópum lóðir undir slíkar byggingar. Sama hverjir þeir hópar eru.Segir flokkinn mæta samstiga til kosninga Staða Framsóknarflokksins er forvitnileg. Ekki er gróið um heilt milli formanns og fyrrverandi formanns, þeirra Sigurðar Inga Jóhannssonar og Sigmundar Davíðs Gunnlaugssonar sem tókust á í harkalegum formannsslag. Og hafa vart ræðst við þó Sigmundur Davíð sé leiðtogi flokksins í Norðurlandi eystra. Mætir flokkurinn ekki daghaltur til kosninga? „Ég myndi ekki segja að flokkurinn sé klofinn. Flokkurinn mun mæta sterkur og samstiga til kosninga. Á fundi Framsóknarfélags Reykjavíkur í gær var mjög góð stemmning.“Ekki verið rætt að Lilja taki við formennsku Talandi um þann fund, þá virðist hafa verið stemmning fyrir því að Lilja Dögg Alfreðsdóttir, varaformaður, taki við formennsku. Guðfinna segir hins vegar að enginn hafi verið að tala um það. En, er það eitthvað sem kemur til álita í hennar huga? „Ég tel að það sé engin ástæða til þess að skipta um forystu fyrir kosningarnar.“ Guðfinna studdi Sigmund Davíð eindregið í formannsslag en telur þó ekki vert að skipta um forystu fyrir komandi kosningar. „Núna á flokkurinn að einbeita sér að kosningunum og þeim málum sem flokkurinn ætlar sér að berjast fyrir.“Ég skil þig svo að þú teljir að Sigmundur Davíð eigi að una niðurstöðu formannskosninganna? „Ég hef ekki orðið vör við neitt annað en það að flokksmenn séu sammála um að forystan verði óbreytt í kosningunum.“Áhersla lögð á kjör þeirra sem höllustum fæti standa Í nýrri könnun fréttastofu 365, sem birtist í morgun, kemur fram að Framsóknarflokkurinn nýtur rösklega 10 prósenta fylgis. Guðfinna segist hingað til ekki hafa misst svefn yfir skoðanakönnunum. En, hver verður sérstaða Framsóknarflokksins í kosningunum? „Við erum þessa dagana að undirbúa stefnumálin en áhersla verður lögð á að bæta kjör þeirra sem standa höllustum fæti í þjóðfélaginu.“ Guðfinna segir að það muni skýrast á allra næstu dögum hvort hún muni leiða lista á Reykjavík norður, en Framsóknarflokkurinn er ekki með neinn þingmann þar sem stendur. Guðfinna segir auðvitað að stefnt verði að því að breyta því.Óvissa í borginniEn, nú er flokkurinn í uppnámi í borginni, Sveinbjörg búin að segja sig úr flokknum og sveitarstjórnarkosningar á næsta leyti. Hvernig standa þau mál? Er ekki vont að hverfa af þeim vettvangi við slíkan glundroða? „Í borgarmálahópi Framsóknar er 30-40 manns sem er mjög samstæður og góður hópur. Það kemur alltaf maður í manns stað.“ Guðfinna segir að ekki liggi fyrir á þessari stundu hver mun leiða flokkinn í borginni.
Kosningar 2017 Mest lesið Sjö fluttir með þyrlu eftir rútuslys á Suðurlandi Innlent Allir um borð í rútunni Íslendingar Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra