Rækjuvinnsla fær skuldir ekki niðurfelldar

Samkomulag náðist ekki á milli Byggðastofnunar og Birnis ehf. um niðurfellingu skulda félagsins við stofnunina. Héraðsdómur Norðurlands vestra komst að þessari niðurstöðu í lok maí en dómurinn var birtur í gær.

Deila aðila varðaði kaup Birnis á aflaheimildum í úthafsrækju árið 2010. Skömmu eftir kaupin voru aflaheimildirnar felldar niður og urðu því verðlausar. Forsvarsmenn Birnis töldu að í kjölfarið hefði náðst samkomulag um að skuld félagsins við stofnunina hefði verið færð niður um 81 milljón en stofnunin neitaði því.

Framburður vitna var á mismunandi vegu. Taldi dómurinn að Birni hefði ekki tekist að sanna að munnlegt samkomulag hefði náðst. Var kröfu um greiðslu upp á 81 milljón því hafnað.