Mörg hundruð Íslendingar ætla að láta draum flóttastúlku rætast Sunna Karen Sigurþórsdóttir skrifar 1. ágúst 2017 20:00 Mörg hundruð Íslendingar ætla að gera draum ellefu ára flóttastúlku frá Afganistan að veruleika á morgun með því að slá upp afmælisveislu fyrir hana á Klambratúni, þrátt fyrir að hún verði ekki tólf ára fyrr en í október. Stúlkunni og föður hennar verður vísað úr landi á næstu dögum. Foreldrar Haniye koma frá Afganistan, en sjálf fæddist Haniye í flóttamannabúðum í Íran árið 2005. Móðir hennar yfirgaf hana ári síðar. Hún hefur verið á flótta með föður sínum allt sitt líf og hefur búið í Íran, Tyrklandi, Grikklandi, Þýskalandi og á Íslandi, en þau hafa verið hér á landi frá því í desember. Fyrir þremur vikum var feðginunum tilkynnt að þau fengju ekki hæli hér á landi á grundvelli Dyflinnarreglugerðarinnar. Þau verða þá send til Þýskalands og talið er nær fullvíst að þau fari þaðan til Afganistan. Ekki er vitað hvenær þeim verður fylgt upp á flugvöll. Draumur Hanyie er að fá að halda upp á tólf afmæli sitt á Íslandi áður en hún þarf að fara, með öllu því fólki sem hún hefur kynnst hér á landi. Nokkrir sjálfboðaliðar stofnuðuð því viðburð á Facebook og buðu í veislu á Klambratúni á morgun kl. 16. Viðbrögðin hafa ekki látið á sér standa því mörg hundruð manns hafa boðað komu sína, og fjölmargir munu leggja sitt af mörkum, með veitingum, drykkjum og skemmtiatriðum.Abrahim Malekym, faðir Hanyie, Hanyie Maleky, og vinur þeirra og túlkur, Aref Qasemi.vísir/sigurjón ólason„Ég held að draumur hennar sé tilkominn því hún vill vera hér það lengi að geta átt afmæli hér. Jafnvel til frambúðar. En þar sem það lítur ekki út fyrir að við náum að láta þann draum rætast þá ætlum við allavega að láta afmælisdrauminn rætast,“ segir Guðmundur Karl Karlsson, sjálfboðaliði hjá Solaris, samtökum fyrir hælisleitendur og flóttamenn á Íslandi. Veislan er sömuleiðis liður í því að þrýsta á stjórnvöld að veita feðginunum hæli á Íslandi „Óneitanlega þá sjáum við það að þetta getur dregið að athygli að málinu hennar og vonandi hjálpar það, ýtir undir og stjórnvöld sjá það að bakvið allar þessar ákvarðanir þar er fólk, og gott fólk sem á skilið betra en við erum að gera þeim. Við getum gert betur,“ segir Guðmundur. Hann segir fjölskylduna eiga erfiða reynslu að baki. „Hún fæddist í flóttamannabúðum í Íran. Faðir hennar flúði frá Afganistan aðeins ellefu ára gamall, til Íran, og þar var hann ólöglegur í um nítján ár. Þegar þau flýja þá þurftu þau að taka mjög langa leið til dæmis í gegnum Tyrkland og þaðan á gúmmíbát yfir til Grikklands. Fyrra skiptið gekk illa. Báturinn sökk nærri því, en þeim var bjargað og þau komust aftur upp á land í Tyrklandi. Þau höfðu ekki marga kosti í stöðunni enda ekki mikið fyrir þau í Tyrklandi þannig að þau reyndu aftur og sú heppnaðist,“ segir Guðmundur. Þaðan hafi þau farið til Þýskalands og því næst til Íslands, og nú til Afganistan, en Guðmundur segir sömuleiðis fátt bíða þeirra í Afganistan. „Það bíður þeirra algjör óvissa og við hreinlega vitum ekkert. En ég held að óvissan sé verri en margt annað. Það er mjög slæmt að vita ekki hvar þú verður, og það er ekki vitað hvort þetta gerist á morgun eða hinn, því tími þeirra er í raun runninn út." Abrahim, faðir Haniye, segir í samtali við fréttastofu að hann sé afar þakklátur íslensku þjóðinni. Þeim feðginum líki bæði mjög vel á Íslandi og því sé miður að þau þurfi að snúa aftur. Hann segist engan stuðning geta fengið í Afganistan og að lífið þar sé mjög hættulegt. Haniye segir einnig afar ánægð á Íslandi. Hún stundar nám í Keflavík og á vini bæði í Keflavík og Reykjavík. „Það er frábært fólk á Íslandi og þess vegna vil ég halda afmæli mitt hér. Ég er ekki viss um að neinn muni mæta ef ég held afmælið mitt í Þýskalandi,“ segir hún. Haniye segist hafa gaman að íslensku, en á stuttu stoppi hennar hefur hún meðal annars lært að heilsa, þakka fyrir sig og fleira. Fjölskyldan og Guðmundur hvetja alla til að mæta. Þeir sem vilja leggja feðginunum lið geta styrkt þau með því að leggja inn á eftirfarandi styrktarreikning. 0513-14-406615 / kt. 091082-5359Hér má finna viðburðinn á Facebook. Mest lesið Bera kennsl á mann fimmtíu árum eftir að hann lét sig hverfa Erlent Bein útsending: Kynnir fjárlög næsta árs Innlent „Mjög miður að við séum komin á þennan stað“ Innlent Þrjár ungar konur fórust í eldsvoða í Noregi Erlent Treystir á afdráttarlaus viðbrögð bandamanna við árás helgarinnar Erlent Syrgja fallið kornabarn: „Það er ekkert plan, engin lausn“ Innlent Sveppamorðinginn í lífstíðarfangelsi í Ástralíu Erlent Boðað til mótmæla vegna vopnasýningar í Lundúnum Erlent Bjargað af efri hæð eftir að eldur kom upp á jarðhæð í íbúðarhúsi Innlent Leitað að manni með öxi Innlent Fleiri fréttir Reikna með fimmtán milljarða halla á næsta ári Daður við drengi sem verður kynferðislegt og endar með hótun Bein útsending: Kynnir fjárlög næsta árs Bjargað af efri hæð eftir að eldur kom upp á jarðhæð í íbúðarhúsi Leitað að manni með öxi „Mjög miður að við séum komin á þennan stað“ Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Sjá meira
Mörg hundruð Íslendingar ætla að gera draum ellefu ára flóttastúlku frá Afganistan að veruleika á morgun með því að slá upp afmælisveislu fyrir hana á Klambratúni, þrátt fyrir að hún verði ekki tólf ára fyrr en í október. Stúlkunni og föður hennar verður vísað úr landi á næstu dögum. Foreldrar Haniye koma frá Afganistan, en sjálf fæddist Haniye í flóttamannabúðum í Íran árið 2005. Móðir hennar yfirgaf hana ári síðar. Hún hefur verið á flótta með föður sínum allt sitt líf og hefur búið í Íran, Tyrklandi, Grikklandi, Þýskalandi og á Íslandi, en þau hafa verið hér á landi frá því í desember. Fyrir þremur vikum var feðginunum tilkynnt að þau fengju ekki hæli hér á landi á grundvelli Dyflinnarreglugerðarinnar. Þau verða þá send til Þýskalands og talið er nær fullvíst að þau fari þaðan til Afganistan. Ekki er vitað hvenær þeim verður fylgt upp á flugvöll. Draumur Hanyie er að fá að halda upp á tólf afmæli sitt á Íslandi áður en hún þarf að fara, með öllu því fólki sem hún hefur kynnst hér á landi. Nokkrir sjálfboðaliðar stofnuðuð því viðburð á Facebook og buðu í veislu á Klambratúni á morgun kl. 16. Viðbrögðin hafa ekki látið á sér standa því mörg hundruð manns hafa boðað komu sína, og fjölmargir munu leggja sitt af mörkum, með veitingum, drykkjum og skemmtiatriðum.Abrahim Malekym, faðir Hanyie, Hanyie Maleky, og vinur þeirra og túlkur, Aref Qasemi.vísir/sigurjón ólason„Ég held að draumur hennar sé tilkominn því hún vill vera hér það lengi að geta átt afmæli hér. Jafnvel til frambúðar. En þar sem það lítur ekki út fyrir að við náum að láta þann draum rætast þá ætlum við allavega að láta afmælisdrauminn rætast,“ segir Guðmundur Karl Karlsson, sjálfboðaliði hjá Solaris, samtökum fyrir hælisleitendur og flóttamenn á Íslandi. Veislan er sömuleiðis liður í því að þrýsta á stjórnvöld að veita feðginunum hæli á Íslandi „Óneitanlega þá sjáum við það að þetta getur dregið að athygli að málinu hennar og vonandi hjálpar það, ýtir undir og stjórnvöld sjá það að bakvið allar þessar ákvarðanir þar er fólk, og gott fólk sem á skilið betra en við erum að gera þeim. Við getum gert betur,“ segir Guðmundur. Hann segir fjölskylduna eiga erfiða reynslu að baki. „Hún fæddist í flóttamannabúðum í Íran. Faðir hennar flúði frá Afganistan aðeins ellefu ára gamall, til Íran, og þar var hann ólöglegur í um nítján ár. Þegar þau flýja þá þurftu þau að taka mjög langa leið til dæmis í gegnum Tyrkland og þaðan á gúmmíbát yfir til Grikklands. Fyrra skiptið gekk illa. Báturinn sökk nærri því, en þeim var bjargað og þau komust aftur upp á land í Tyrklandi. Þau höfðu ekki marga kosti í stöðunni enda ekki mikið fyrir þau í Tyrklandi þannig að þau reyndu aftur og sú heppnaðist,“ segir Guðmundur. Þaðan hafi þau farið til Þýskalands og því næst til Íslands, og nú til Afganistan, en Guðmundur segir sömuleiðis fátt bíða þeirra í Afganistan. „Það bíður þeirra algjör óvissa og við hreinlega vitum ekkert. En ég held að óvissan sé verri en margt annað. Það er mjög slæmt að vita ekki hvar þú verður, og það er ekki vitað hvort þetta gerist á morgun eða hinn, því tími þeirra er í raun runninn út." Abrahim, faðir Haniye, segir í samtali við fréttastofu að hann sé afar þakklátur íslensku þjóðinni. Þeim feðginum líki bæði mjög vel á Íslandi og því sé miður að þau þurfi að snúa aftur. Hann segist engan stuðning geta fengið í Afganistan og að lífið þar sé mjög hættulegt. Haniye segir einnig afar ánægð á Íslandi. Hún stundar nám í Keflavík og á vini bæði í Keflavík og Reykjavík. „Það er frábært fólk á Íslandi og þess vegna vil ég halda afmæli mitt hér. Ég er ekki viss um að neinn muni mæta ef ég held afmælið mitt í Þýskalandi,“ segir hún. Haniye segist hafa gaman að íslensku, en á stuttu stoppi hennar hefur hún meðal annars lært að heilsa, þakka fyrir sig og fleira. Fjölskyldan og Guðmundur hvetja alla til að mæta. Þeir sem vilja leggja feðginunum lið geta styrkt þau með því að leggja inn á eftirfarandi styrktarreikning. 0513-14-406615 / kt. 091082-5359Hér má finna viðburðinn á Facebook.
Mest lesið Bera kennsl á mann fimmtíu árum eftir að hann lét sig hverfa Erlent Bein útsending: Kynnir fjárlög næsta árs Innlent „Mjög miður að við séum komin á þennan stað“ Innlent Þrjár ungar konur fórust í eldsvoða í Noregi Erlent Treystir á afdráttarlaus viðbrögð bandamanna við árás helgarinnar Erlent Syrgja fallið kornabarn: „Það er ekkert plan, engin lausn“ Innlent Sveppamorðinginn í lífstíðarfangelsi í Ástralíu Erlent Boðað til mótmæla vegna vopnasýningar í Lundúnum Erlent Bjargað af efri hæð eftir að eldur kom upp á jarðhæð í íbúðarhúsi Innlent Leitað að manni með öxi Innlent Fleiri fréttir Reikna með fimmtán milljarða halla á næsta ári Daður við drengi sem verður kynferðislegt og endar með hótun Bein útsending: Kynnir fjárlög næsta árs Bjargað af efri hæð eftir að eldur kom upp á jarðhæð í íbúðarhúsi Leitað að manni með öxi „Mjög miður að við séum komin á þennan stað“ Gleði og samvera í 60 plús leikfimi á Selfossi Syrgja fallið kornabarn: „Það er ekkert plan, engin lausn“ Engin slys á fólki þegar hjólhýsi valt Syrgja fallið kornabarn og fyrsti þúsaldardýrlingurinn Einn fluttur á Landspítalann frá Fjallabaki Kröftug mótmæli brjóti ekki gegn málfrelsi Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Sjá meira