Ólafía: Það gekk ekkert upp í dag

Ólafía Þórunn Kristinsdóttir endaði á þremur höggum yfir pari á fyrsta hring hennar á Opna breska meistaramótinu í golfi.

Eftir góða byrjun fataðist henni flugið um skamma stund á síðari níu þar sem hún tapaði þremur höggum á tveimur holum. Hún náði ekki að vera á meðal 100 efstu kylfinga eftir daginn.

Sjá einnig: Erfiðar lokaholur hjá Ólafíu

„Það gekk ekkert upp. Ég var ótrúlega óheppin í púttunum - krækti alltof oft, var rétt á brúninni. Þetta var því ekki nógu gott.“

„En ég ferskar flatir á morgun. Þær voru nokkuð ójafnar í dag. Við sjáum bara hvað gerist á morgun.“

Hún segir að aðstæður hafi ekki verið svo slæmar. „Það var alveg vindur en það var erfitt að við þurftum að stoppa tvisvar að spila út af þrumuveðri. Það tekur mann úr takti.“