Innlent

Smáhlaup hafið í Múlakvísl: Erfitt að segja til um framvinduna

Samúel Karl Ólason skrifar
Smáhlaup er hafið í Múlakvísl þar sem mikið vatn er í ánni og mikla brennisteinslykt ber af henni.
Smáhlaup er hafið í Múlakvísl þar sem mikið vatn er í ánni og mikla brennisteinslykt ber af henni. Vísir/hugrún

Uppfært 23:30

Lítið jökulhlaup stendur nú yfir í Múlakvísl þar sem vatn hefur aukist mikið í dag. Víðir Reynisson, verkefnafulltrúi almannavarna á Suðurlandi, hefur fylgst með ánni í kvöld og hann segist hafa séð mikinn mun á henni frá því í dag. Hann segir mikla brennisteinslykt bera af ánni.

Samkvæmt upplýsingum frá Veðurstofu Íslands hefur straumurinn í ánni aukist í kvöld en rafleiðnin hefur verið stöðug. Rafleiðni segir til um magn jarðhitavatns í ánni. Töluvert er af hverum undir Mýrdalsjökli þar sem bæði vatn úr hverunum og bræðsluvatn safnast saman.

Þrátt fyrir að straumurinn sé að aukast eru vatnshæðarmælingar Veðurstofunnar stöðugar og þýðir það að líklega sé áin að grafa undan sér.

Áfram verður fylgst með framvindu mála á svæðinu í nótt, en búið er að loka vegaslóðum sem að liggja upp með ánni svo fólk sé ekki þar á ferðinni. Erfitt er að segja á þessari stundu hvort að hlaupið verði stærra, eða hvort að flæðið í ánni muni minnka. Bæði hefur gerst áður.


Tengdar fréttir

Degi styttra í næsta gos

Aukin hætta er á jökulhlaupi í Múlakvísl og á Mýrdalssandi eftir snarpan jarðskjálfta í Kötlu í fyrrakvöld.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.