Álafoss fær nýja eigendur: Ætla að færa verslunina nær upprunanum

Fyrirtækið Nordic Store hefur keypt verslunina Álafoss sem staðsett er í gömlu ullarverksmiðjunni í Álafosskvosinni i Mosfellsbæ. Eigendur Nordic Store eru þeir Bjarni Jónsson og Hafsteinn Guðbjartsson og reka þeir nokkrar verslanir í Reykjavík undir því nafni. Verslunin Álafoss mun verða rekin áfram undir sama nafni.

„Við ætlum að færa Álafoss nær upprunanum og taka út að mestu vöruliði sem hafa ekki beint með íslensku ullina að gera. Við munum þannig einblína á íslenska lopann, handprjónaðar peysur og aðrar vörur sem eiga uppruna sinn frá lopanum af íslensku sauðkindinni. Á sama tíma ætlum við að opna verslunina meira, bæði rýmið og opnunartímann og gera hana þannig aðgengilegri," sagði Bjarni Jónsson annar eigandanna í tilkynningu frá Nordic Store. „Innst inn í versluninni verður sett upp fallegt kaffihús með léttum veitingum og þar verður hægt að ganga út á verönda og sitja þar og njóta náttúrufegurðinnar við ánna og horfa á Álafossinn þar sem áin rennur inn í kvosina.“

Hann útskýrir að Álafoss-verslunin hafi um áratuga skeið verði eftirsótt verslun, bæði hjá íslensku áhugafólki um ullar- og heimilisiðnað og þá ekki síður hjá þeir sem sækja Ísland heim og hafa áhuga á íslensku ullinni, hvort heldur til að kaupa íslenskan lopa eða afurðir úr honum. Á síðustu hafi hefur þessi hópur stækkað í samræmi við aukina komu erlendra gesta hefur vöruúrvalið aukist í versluninni og meira orðið um almenna minjagripi sem ekki eiga uppruna sinn í íslenska lopann. Nýir eigendur ætli sér að breyta því segjast þegar farnir að færa Álafoss nær uppruna sínum. Þá hafi opnunartíminn verið lengdur og opnar nú klukkan 8:00 á morgnanna og er opið til 20:00 á kvöldin. Einnig er opið alla daga vikunnar en áður hafði verið lokað á sunnudögum. Það telja eigendurnir ríkan þátt í aukinni þjónustu við gesti og viðskiptavini.

„Á kaffihúsinu og versluninni allri verður svo sögu Álafoss og vinnslu íslensks lopa gerð betri skil og þannig getur fólk ekki bara komið að versla heldur verður hægt að taka inn söguna, setjast niður og njóta fegurðar handverks og umhverfis. Ýmsar vélar, tæki og munir sem tengjast sögunni verða til sýnis og með þeim hætti vonast nýir eigendur til þess að erlendir gestir kynnist betur þessum þætti sögu okkur sem er mikilvægur. Þá gera þeir sér einnig vonir um að eldri kynslóðirnar á Íslandi, ömmur og afar landsins geri sér ferð með börnum og barnabörnum í kvosina og leyfi ungu kynslóðinni að kynnast þessari sömu sögu,“ segir í tilkynningunni.