Sigurvegari Opna breska fær verðlaunaféð í dollurum

Gengi pundsins hefur fallið svo mikið að skipuleggjendur Opna breska meistaramótsins í golfi munu ekki greiða út verðlaunafé í pundum eins og venjulega.

Þess í stað verður vinningsféð greitt út í dollurum. Kylfingar kvarta væntanlega ekki yfir því. Ef Breti vinnur mótið og þarf að færa peningana yfir í pund þá fær hann rúmlega 8 milljónum króna minna en fyrir ári síðan.

Sigurvegari mótsins mun fá 1,85 milljónir dollara eða rúmar 194 milljónir króna.

Mótið hefst þann 20. júlí næstkomandi.