Úkraínska lögreglan kaupir 635 Outlander PHEV Finnur Thorlacius skrifar 7. júní 2017 15:00 Mitsubishi afhendir úkraínsku lögreglunni 635 Outlander PHEV bíla. Stærstu einstöku kaup á tengiltvinnbílum voru gerð í Úkraínu um daginn þegar Mitsubishi afgreiddi lögregluna í Kiev með 635 bílum af Outlander PHEV gerð. Þessi kaup voru gerð í anda „Green Investment Scheme“, alþjóðlegrar samþykktar til umhverfisverndar. Fyrir nokkrum árum afgreiddi Mitsubishi 507 eintök af litla rafmagnsbílnum i-MiEV til Eistlands undir sömu formerkjum. Þegar bílarnir voru afhentir voru viðstaddir forsætisráðherra Úkraínu og forstjóri Mitsubishi. Mitsubishi Outlander, sem framleiðsla hófst á árið 2013, hefur verið söluhæsti tengiltvinnbíllinn í Evrópu síðastliðin 4 ár samfellt og hafði selst samtals í 80.768 eintökum í lok árs í fyrra. Í bílnum er 2,0 lítra bensínvél sem er 121 hestöfl, en þegar afl rafmagnsmótoranna er bætt við skilar hann 203 hestöflum. Hægt er að aka bílnum á rafmagninu eingöngu fyrstu 54 kílómetrana. Mitsubishi hefur nú þegar sýnt útlit næstu kynslóðar Outlander PHEV með tilraunabílnum GT-PHEV Concept, sem fyrirtækið sýndi á bílasýningunni í París fyrr á árinu. Þessi nýja gerð fær stærri 2,5 lítra vél og stærri rafmagnsmótora, nú þrjá í stað tveggja, sem og stærri rafhlöður. Hann á að komast fyrstu 120 kílómetrana á rafmagninu eingöngu og hafa heildardrægni uppá hvorki meira né minna en 1.200 kílómetra með því bensíni sem á tank hans kemst. Ekki er ljóst hvenær þessi nýja gerð kemur á markað. Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Vinstribeygja inn á Bústaðaveg gæti heyrt sögunni til Innlent Játning á borðinu í umfangsmestu þjófnuðum seinni tíma Innlent Lögreglan vill ná tali af þremur mönnum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Stefnir Hödd vegna ásökunar um nauðgun Innlent
Stærstu einstöku kaup á tengiltvinnbílum voru gerð í Úkraínu um daginn þegar Mitsubishi afgreiddi lögregluna í Kiev með 635 bílum af Outlander PHEV gerð. Þessi kaup voru gerð í anda „Green Investment Scheme“, alþjóðlegrar samþykktar til umhverfisverndar. Fyrir nokkrum árum afgreiddi Mitsubishi 507 eintök af litla rafmagnsbílnum i-MiEV til Eistlands undir sömu formerkjum. Þegar bílarnir voru afhentir voru viðstaddir forsætisráðherra Úkraínu og forstjóri Mitsubishi. Mitsubishi Outlander, sem framleiðsla hófst á árið 2013, hefur verið söluhæsti tengiltvinnbíllinn í Evrópu síðastliðin 4 ár samfellt og hafði selst samtals í 80.768 eintökum í lok árs í fyrra. Í bílnum er 2,0 lítra bensínvél sem er 121 hestöfl, en þegar afl rafmagnsmótoranna er bætt við skilar hann 203 hestöflum. Hægt er að aka bílnum á rafmagninu eingöngu fyrstu 54 kílómetrana. Mitsubishi hefur nú þegar sýnt útlit næstu kynslóðar Outlander PHEV með tilraunabílnum GT-PHEV Concept, sem fyrirtækið sýndi á bílasýningunni í París fyrr á árinu. Þessi nýja gerð fær stærri 2,5 lítra vél og stærri rafmagnsmótora, nú þrjá í stað tveggja, sem og stærri rafhlöður. Hann á að komast fyrstu 120 kílómetrana á rafmagninu eingöngu og hafa heildardrægni uppá hvorki meira né minna en 1.200 kílómetra með því bensíni sem á tank hans kemst. Ekki er ljóst hvenær þessi nýja gerð kemur á markað.
Mest lesið Stytta þurfi sumarfrí barna um að lágmarki tvær vikur Innlent Leysti út lögmannsréttindin: Fer í sjálfstæðan rekstur en heldur eftirlaununum Innlent Sá blóðugan mann hlaupa út og árásarmanninn á eftir honum Innlent Hafði ritað „Breivik“ og „Drepið Trump“ á skotvopnin Erlent Vinstribeygja inn á Bústaðaveg gæti heyrt sögunni til Innlent Játning á borðinu í umfangsmestu þjófnuðum seinni tíma Innlent Lögreglan vill ná tali af þremur mönnum Innlent Rýnt í stöðuna í Úkraínu: Friður enn fjarlægur og Trump missir móðinn Erlent Þvættuðu milljarða af illa fenginni rafmynt á Íslandi Innlent Stefnir Hödd vegna ásökunar um nauðgun Innlent