Vardar í úrslit í fyrsta sinn

Það verður Vardar sem mætir Paris Saint-Germain í úrslitaleik Meistaradeildar Evrópu í handbolta á morgun.

Þetta var ljóst eftir eins marks sigur Vardar, 26-25, á Barcelona í seinni undanúrslitaleiknum í dag. Luka Cindric skoraði sigurmarkið þegar þrjár sekúndur voru til leiksloka.

Makedónska liðið er því komið í úrslitaleik Meistaradeildarinnar í fyrsta sinn í sögu félagsins.

Hægri vængurinn hjá Vardar var öflugur í dag en þeir Alex Dujsebaev og Ivan Cupic skoruðu sjö mörk hvor. Vuko Borozan kom næstur með fimm mörk.

Kiril Lazarov skoraði sex mörk fyrir Barcelona og Valero Rivera fjögur.