Ólafía er í 21. sætinu eftir fyrsta dag | Snertimarksdagur hjá okkar konu

Ólafía Þórunn Kristinsdóttir byrjaði með glæsilegum hætti á fyrsta keppnisdeginum á LPGA Volvik meistaramótinu sem fram fer á Ann Arbor vellinum við Detroit.

Ólafía Þórunn hóf leik snemma í dag en hún lék á 69 höggum eða á þremur höggum undir pari eftir að hafa fengið fjórar fugla og einn skolla á hringnum.

Ólafía Þórunn var í sjötta sætinu þegar hún lauk leik en þá áttu margar eftir að spila fyrsta hringinn. Ólafía datt niður um fimmtán sæti og er í 21. til 39. sæti eftir fyrsta keppnisdaginn.

Ólafía Þórunn notaði 29 pútt á hringnum í dag, hitti 8 af 14 brautum og náði inn á flöt í réttum höggfjölda á fjórtán af átján holum.

Hér fyrir neðan má sjá Ólafíu bregða á leik á hinum magnaða Michigan leikvangi í Ann Arbor en þar spilar University of Michigan heimaleiki sína í háskólafótboltanum. Leikvangurinn tekur 107,601 manns og er einn sá stærsti í heimi.

 

U can't touch this  Stop! Hammer time!  @volviklpga #LPGAwesome #VolvikLPGA #MChammer #proamparty #thefield #footballer

A post shared by Ólafía Kristinsdóttir (@olafiakri) on May 24, 2017 at 5:55am PDT