Tveir handteknir vegna heimilisofbeldis

Lögreglan á höfuðborgarsvæðinu stöðvaði alls sex ökumenn vegna gruns um akstur undir áhrifum áfengis eða fíkniefna í gærkvöldi og í nótt. Þetta kemur fram í dagbók lögreglu.

Þá var maður handtekinn á fjórða tímanum í nótt fyrir að ráðast á fangavörð.

Klukkan 18:08 var karlmaður handtekinn í austurborginni vegna heimilisofbeldis. Maðurinn var látinn laus að lokinni yfirheyrslu á lögreglustöð.

Klukkan 23:39 í gærkvöldi handtók lögreglan ölvaðan karlmann í Hafnarfirði vegna heimilisofbeldis. Maðurinn er vistaður í fangageymslu lögreglunnar.