Handtekinn fyrir að veifa hníf á Austurvelli

Sérsveit lögreglunnar var kölluð út í kvöld vegna manns sem veifaði hníf á Austurvelli.

Maðurinn var ölvaður og var hann handtekinn og vistaður í fangageymslu.

„Það var maður með hníf þarna og hann var handtekinn og það er verið að ræða við hann,“ segir Rafn Hilmar Guðmundsson aðalvarðstjóri í samtali við Vísi.

„Hann var að veifa einhverjum hníf á Austurvelli.“

Sólin lék við borgarbúa í dag og var fjöldi fólks á Austurvelli þegar þetta atvikaðist.

„En það má ekki vera að veifa vopni, þó það sé gott veður.“