Kvartar til stríðsglæpadómstóls vegna Duterte

Lögfræðingur á Filippseyjum hefur sent formlega kvörtun til stríðglæpadómstólsins í Haag þar sem Rodrigo Duterte forseti landsins er sakaður um stríðsglæpi.

Guardian greinir frá þessu en þetta er í fyrsta sinn sem slík kvörtun vegna Duterte berst dómstólnum svo vitað sé en lögfræðingurinn, Jude Sabio, segir að um þrjátíu ára skeið hafi Duterte fyrirskipað aftökur án dóms og laga, fyrst sem borgarstjóri í borginni Davao og síðar sem forseti.

Allt í allt hafi tæplega tíu þúsund manns látið lífið fyrir hans tilstilli.