50.000 Toyota og Lexus bílar á götunum

Nú í apríl náðist sá áfangi að 50.000 bílar frá Toyota og Lexus eru í umferð á Íslandi. Af því tilefni verður efnt til stórsýningar næstkomandi laugardag, 29. apríl kl. 12:00 – 16:00 hjá viðurkenndum söluaðilum Toyota í Kauptúni, í Reykjanesbæ, á Akureyri og Selfossi auk þess sem Lexus verður með sýningu í nýjum sýningarsal í Kauptúni.

50 bílar verða boðnir á tímamótaverði þennan eina dag og allir sem reynsluaka eiga möguleika á að vinna 50.000 vildarpunkta Icelandair í happdrætti.  50.000 viðbótar-vildarpunktar fylgja öllum bílum sem keyptir verða á sýningunni. Ljúffeng terta bíður gesta hjá söluaðilum á laugardag. Þá verður eigandi 50.000 bílsins leystur út með gjöfum og tímamótabíllinn verður sýndur hjá Toyota Kauptúni.

Meðal þeirra 50.000 bíla frá Toyota og Lexus sem nú eru í umferð má meðal annars finna Lexus LS 400 frá 1997, Land Cruiser frá 1974, Camry frá 1986 og Celica og Corona frá 1972. Elsti bíllinn frá Toyota sem er enn í notkun á landinu mun vera Corolla, árgerð 1967 en enn eldri bílar eru til sem safngripir.