Lífið samstarf

Draumur um bárujárnshús

Íslandsbanki kynnir
Íris Anna og Símon Örn með tvíburana sína.
Íris Anna og Símon Örn með tvíburana sína.
Símon Örn Birgisson dreymdi alltaf um að kaupa lítið bárujárnshús, enda ólst hann sjálfur upp í þannig húsi á Urðarstígnum í Hafnarfirði. Hann festi síðan kaup á bárujárnshúsi á Merkurgötu, en þegar hann var nýfluttur kynntist hann Írisi Önnu. Stuttu seinna var von á tvíburum og í dag er litla bárujárnshúsið orðið of lítið fyrir fjölskylduna og þau eru að flytja í nýja íbúð.

Tvö á leiðinni

„Mig hefur alltaf dreymt um að kaupa lítið bárujárnshús, ég ólst upp í þannig húsi á Urðarstígnum hérna rétt hjá,“ segir Símon Örn. Húsið sem hann keypti á Merkurgötu í Hafnarfirði er eitt af elstu húsunum í vesturbæ Hafnarfjarðar og ákvað Símon Örn að ef að hann myndi eignast börn sjálfur væri gaman að leyfa þeim að upplifa sama og hann. 

„Stuttu eftir að ég flyt inn kynnist ég Írisi Önnu,“ segir Símon Örn. Íris Anna varð síðan ófrísk og eftir fyrsta sónarinn var sagt við þau; „hér er bara nóg að gerast, tvö á leiðinni,“ segir Íris Anna.

Fjölskyldan lagðist á eitt

Símon Örn vildi selja húsið, en Íris Anna hvatti hann til að fara í framkvæmdir. „Þegar maður fer í svona framkvæmdir á húsi þá er það eitthvað sem maður gerir ekkert einn,“ segir Símon Örn. „Öll fjölskyldan kemur inn í þetta, vinirnir, frændi minn smíðaði stiga með mér og pabbi kom á hverju kvöldi.“

Framkvæmdir voru í gangi alveg fram að fæðingu tvíburanna og parið flutti inn beint af fæðingardeildinni. Þau segja að maður þurfi að vera praktískur og horfa raunsætt á hlutina. „Maður þarf að skoða eyðsluna, byrja á því, hvað maður þarf raunverulega,“ segir Íris Anna. „Langar mig í íbúð þá verð ég að sleppa þessu.“



Nýtti sér viðbótarlán

Þau kaupa allt notað, eins og fyrir strákana og segja að maður þurfi svolítið að breyta um lífsstíl. „Fyrir venjulegt fólk er aldrei eitthvað auðvelt að kaupa íbúð eða kaupa sína fyrstu fasteign.“

Símon Örn nýtti sér 1,5 milljón viðbótarlán sem bankinn hans bauð upp á til þeirra sem voru að kaupa sína fyrstu eign „og það var brúin sem ég þurfti yfir í að geta keypt þetta.“



Munu sakna bárujárnshússins

Húsið varð þó fljótt of lítið fyrir tvennt af öllu og hefur fjölskyldan fundið fína íbúð í norðurbæ Hafnarfjarðar. „Það var auðvitað söknuður og ákveðinn tregi að skilja við þetta hús, allar þessar minningar, hvernig við kynntust hérna,“ segir Símon Örn. „Tvíburar og Volvo station. Við tókum soldið pakkann allan í einu.“



Þetta var saga Símons og Írisar, hvernig viltu að þín saga verði? Pantaðu ráðgjöf og komdu til okkar og gerðu þitt plan.



Greinin er kostuð af Íslandsbanka en hún er hluti af Það er hægt, verkefni bankans um fyrstu kaup á fasteign.






Fleiri fréttir

Sjá meira


×