Fyrsti Íslendingurinn sem fer á K2: Einn af hverjum fjórum sem nær tindinum lætur lífið

John Snorri Sigurjónsson ætlar að verða fyrsti Íslendingurinn til að klífa K2. Fjallið er talið vera erfiðasta fjall heims og hátt hlutfall þeirra sem reyna við fjallið láta lífið. Aðeins hafa 230 mannst komist á toppinn og ætlar John Snorri sér að bætast í hópinn en hann lagði af stað á mánudaginn. Hann viðurkennir að hann sé hræddur en segist þó vera mjög vel undirbúin og að hann ætli að koma heill heim til kærustunnar og barna sinna fimm.

John Snorri er 38 ára göngugarpur sem hefur gengið á ótal fjöll síðustu ár. Hann hefur klifið nokkra af hærri tindum heims og setur nú markmið á toppinn.

Fleiri hafa flogið út í geim en staðið á toppi fjallsins. K2 eða „grimma fjallið“ eins og það hefur verið kallað er 8,611 metrar eða annað hæsta fjall heims. Þar er ein hæsta dánartíðni fjallgöngumanna en á móti hverjum fjórum sem ná tindinum lætur einn lífið. Aðeins hafa um 230 manns náð toppnum á 49 árum vegna erfiðleika fjallsins.

Til samanburðar hafa rúmlega 3.500 fjallgöngumenn komist á Everest á nærri jafnlöngum tíma. K2 er í Karakorama fjallgarðinum á landamærum Kína og Pakistans.

Fjallganga á K2 er gríðarlega áhættusöm vegna snjóflóða, storma, bratta, kulda og súrefnisleysis. Ótrúlega hátt hlutfall þeirra sem komast á tindinn ná ekki að komast niður aftur.  Árið 2008 létust til að mynda 11 manns á K2 í tilraun sinni að komast á toppinn.

John Snorri segir að gangan reyni gríðarlega á líkama, andlegt þreks og sál. Því skipti miklu að ferðin sé vel skipulög. Hann segist oft vera hræddur þegar hann hugsar um fjallið.

Hann ákvað að nota tækifærið og safna áheitum fyrir styrktarfélagið Líf sem hefur þann tilgang að bæta aðbúnað og þjónustu við konur og fjölskyldur þeirra á meðgöngu en hann er fimm barna faðir og þekkir því til á Kvennadeild Landspítalans.

Eins og fram hefur komið hefur enginn Íslendingur reynt að klífa K2 hingað til enda gríðarleg áhættusamt. John Snorri segir að ákvörðunin hafi ekki verið einföld.