Kanínurnar hans Arnars lentar undir

Svendborg Rabbits tapaði fyrsta leiknum fyrir Bakken Bears, 95-79, í undanúrslitum um danska meistaratitilinn í körfubolta í kvöld.

Axel Kárason var í byrjunarliði Svendborg í leiknum í kvöld. Skagfirðingurinn lék í tæpar 20 mínútur, skoraði þrjú stig, tók tvö fráköst og stal boltanum í tvígang.

Stefan Bonneau, kom til Svendborg frá Njarðvík á síðasta ári, skoraði níu stig, tók þrjú fráköst, gaf tvær stoðsendingar og stal tveimur boltum.

Arnar Guðjónsson er þjálfari Svendborg sem getur jafnað metin með sigri í öðrum leik einvígisins á mánudaginn.