Eyðimerkurgöngu Garcia lokið Henry Birgir Gunnarsson skrifar 9. apríl 2017 23:32 Garcia fagnar í kvöld. Loksins, loksins var komið að honum. vísir/getty Eftir rúmlega 20 ára bið og 73 risamót kom loksins að því að Spánverjinn Sergio Garcia ynni risamót. Hann vann Masters-mótið eftir ótrúlega rimmu gegn Justin Rose. Bráðabana þurfti til að fá sigurvegara á mótinu. Dramatíkin var alls ráðandi á lokaholunum eins og við rekjum hér að neðan. Þeir Rose og Garcia voru jafnir þegar aðeins níu holur voru eftir af mótinu. Einvígi í uppsiglingu. Þá byrjaði Garcia að spila rassinn úr buxunum. Eins og svo oft áður. Hann fékk skolla á tíundu og elleftu holu og missti Rose tveimur höggum frá sér. Er flestir voru búnir að afskrifa Spánverjann fékk hann fugl á fjórtándu og svo örn á fimmtándu. Þvílík endurkoma og allt að verða vitlaust. Þeir jafnir og þrjár holur eftir. Það virtist fátt ætla að koma hinum yfirvegaða Rose úr jafnvægi. Hann nældi sér í fugl á sextándu á meðan Garcia varð að sætta sig við par. Meðbyrinn dugði skammt og aftur varð Garcia að sækja.Hér má sjá þá félaga á ferðinni í dag.vísir/gettyÁ sautjándu holu lenti Rose í sandinum en bjargaði sér með laglegu inn á höggi en átti nokkuð snúið pútt pútt fyrir pari. Garcia var í ágætu fuglafæri sem hann hreinlega varð að setja niður. Púttið var of stutt. Það kom ekki að sök því Rose missti sitt pútt og fékk skolla á meðan Garcia fékk þægilegt par. Aftur voru þeir jafnir og aðeins ein hola eftir. Yfirþyrmandi spenna. Garcia virtist vera kominn með kjarkinn aftur og upphafshöggið á átjándu var gott. Rose einnig silkislakur. Báðir á fínum stað eftir upphafshöggið og munaði svona þrem metrum á milli þeirra. Chipkeppni fram undan. Rose sló á undan. Fór of langt til hægri en var afar heppinn því boltinn lenti í kanti og skoppaði í átt að pinnanum. Höggið hjá Garcia var gjörsamlega geggjað. Beint á pinna en var samt ekkert mikið nær en Rose sem fékk skoppið vinalega. Tvö mjög taugatrekkjandi pútt biðu heimsbyggðarinnar. Rose púttaði á undan og rétt missti púttið. Hann trúði vart eigin augum. Hann gaf Garcia þar sem tækifæri til þess að vinna sinn fyrsta risatitil. Besta tækifæri hans frá upphafi til þess að landa loksins risatitli. Með um meterspútt brustu taugar Garcia í svona milljónasta skiptið á ferlið. Ótrúlegt. Bráðabani beið því kappanna. Þvílíkur taugatryllir. Þeir félagar héldu því aftur á átjándu holuna og taugastríðið hélt áfram. Rose fór aðeins út fyrir braut en Garcia á brautinni. Rose gat aðeins slegið stutt inn á brautina í sínu öðru höggi og Garcia því aftur í dauðafæri að klára þetta mót. Koma sér inn á flöt höggi á undan. Það gerði hann heldur betur. Silkimjúkur, fór inn á flöt og var um tveim metrum frá pinna. Pressan færðist yfir á Rose sem varð að fá sitt besta högg inn á flötina núna. Höggið var ágætt en samt lengra frá en Garcia. Hann varð að setja púttið niður og vonast eftir því að Garcia klúðraði. Púttið hjá Rose fór ekki niður og Garcia mátti því tvípútta. Það var tækifæri sem ekki einu sinni hann gat klúðrað. Hann þurfti heldur ekki tvö pútt því hann púttaði bara beint ofan í. Það var skemmtilegra. Garica fékk 233 milljónir í sinn hlut fyrir sigurinn en Rose fékk um 90 milljónum krónum minna. Golf Mest lesið Opnaði sig um skilnaðinn og erfiða tíma Sport Trump fær blóðugan bardaga í Hvíta húsinu í afmælisgjöf Sport Arnar Gunnlaugs segir gagnrýnendur Liverpool gleyma mannlega þættinum Enski boltinn Bjarni Guðjóns tók einn KR-ing sérstaklega fyrir Íslenski boltinn „Hættiði að horfa á klám og hættiði að runka ykkur“ Sport Gleðin í klefanum hjá nýju Íslandsmeisturunum Íslenski boltinn „Þá er búið að yfirtaka sál félagsins“ Enski boltinn Guardiola ætlar að skipuleggja kvöldverð með Wenger og Ferguson Enski boltinn Stólarnir komust ekki heim og æfa í Grindavík fyrir stórleikinn Sport Laus úr útlegðinni og mættur heim Handbolti Fleiri fréttir „Heimskulegt og asnalegt hjá mér“ „Ertu að horfa Donald Trump?“ Bjór kastað í konu McIlroy: „Þurfti að þola ótrúlegt magn af svívirðingum“ Evrópa marði Ryder-bikarinn á dramatískan hátt Bandaríkin í brekku en reyna að klóra í bakkann Grínisti hættir og biðst afsökunar á að hafa byrjað níðsöngva í garð Rory Fyrirliði Bandaríkjanna ver gjammandi stuðningsmennina Evrópa með afgerandi forystu fyrir lokadaginn Sagði áhorfanda að naglhalda kjafti Bandaríkin með bakið upp við vegg Fyrirliði Evrópu greinir frá því hvað Trump sagði við hann Trump missir ekki trúna: „Við munum klára þetta“ Bara einn spáði Bandaríkjunum sigri og annar vissi ekkert um Ryder-bikarinn „Keppni sem allir golfáhugamenn elska“ Svona hefst Ryder-bikarinn: „Viljum ná öflugri byrjun“ Þora ekki að horfa á strákinn vegna fúkyrðaflaums Fyrirliði Evrópu baunar á Bandaríkin: „Drifnir áfram af einhverju sem peningar geta ekki keypt“ Stjörnustjarfur þegar hann sá Zola á Ryder bikarnum Varar við áhorfendum á Ryder Cup: „Hey Rahmbo, hvar er Ozempicið?“ Bandarísku kylfingarnir gefa Ryder-launin eftir gagnrýni Gunnlaugur Árni næstefstur og verður á Golf Channel í kvöld Rosalegt prump samherja setti Hatton út af laginu Ragnhildur endaði önnur eftir bráðabana Vaknaði útataður í eigin ælu eftir að hafa komist í Ryder-lið Evrópu Andrea tók sjötta sætið Stórsér á stjörnunni eftir leikfang dótturinnar Eina breytingin á Ryderliðinu var að skipta um tvíbura Sjá meira
Eftir rúmlega 20 ára bið og 73 risamót kom loksins að því að Spánverjinn Sergio Garcia ynni risamót. Hann vann Masters-mótið eftir ótrúlega rimmu gegn Justin Rose. Bráðabana þurfti til að fá sigurvegara á mótinu. Dramatíkin var alls ráðandi á lokaholunum eins og við rekjum hér að neðan. Þeir Rose og Garcia voru jafnir þegar aðeins níu holur voru eftir af mótinu. Einvígi í uppsiglingu. Þá byrjaði Garcia að spila rassinn úr buxunum. Eins og svo oft áður. Hann fékk skolla á tíundu og elleftu holu og missti Rose tveimur höggum frá sér. Er flestir voru búnir að afskrifa Spánverjann fékk hann fugl á fjórtándu og svo örn á fimmtándu. Þvílík endurkoma og allt að verða vitlaust. Þeir jafnir og þrjár holur eftir. Það virtist fátt ætla að koma hinum yfirvegaða Rose úr jafnvægi. Hann nældi sér í fugl á sextándu á meðan Garcia varð að sætta sig við par. Meðbyrinn dugði skammt og aftur varð Garcia að sækja.Hér má sjá þá félaga á ferðinni í dag.vísir/gettyÁ sautjándu holu lenti Rose í sandinum en bjargaði sér með laglegu inn á höggi en átti nokkuð snúið pútt pútt fyrir pari. Garcia var í ágætu fuglafæri sem hann hreinlega varð að setja niður. Púttið var of stutt. Það kom ekki að sök því Rose missti sitt pútt og fékk skolla á meðan Garcia fékk þægilegt par. Aftur voru þeir jafnir og aðeins ein hola eftir. Yfirþyrmandi spenna. Garcia virtist vera kominn með kjarkinn aftur og upphafshöggið á átjándu var gott. Rose einnig silkislakur. Báðir á fínum stað eftir upphafshöggið og munaði svona þrem metrum á milli þeirra. Chipkeppni fram undan. Rose sló á undan. Fór of langt til hægri en var afar heppinn því boltinn lenti í kanti og skoppaði í átt að pinnanum. Höggið hjá Garcia var gjörsamlega geggjað. Beint á pinna en var samt ekkert mikið nær en Rose sem fékk skoppið vinalega. Tvö mjög taugatrekkjandi pútt biðu heimsbyggðarinnar. Rose púttaði á undan og rétt missti púttið. Hann trúði vart eigin augum. Hann gaf Garcia þar sem tækifæri til þess að vinna sinn fyrsta risatitil. Besta tækifæri hans frá upphafi til þess að landa loksins risatitli. Með um meterspútt brustu taugar Garcia í svona milljónasta skiptið á ferlið. Ótrúlegt. Bráðabani beið því kappanna. Þvílíkur taugatryllir. Þeir félagar héldu því aftur á átjándu holuna og taugastríðið hélt áfram. Rose fór aðeins út fyrir braut en Garcia á brautinni. Rose gat aðeins slegið stutt inn á brautina í sínu öðru höggi og Garcia því aftur í dauðafæri að klára þetta mót. Koma sér inn á flöt höggi á undan. Það gerði hann heldur betur. Silkimjúkur, fór inn á flöt og var um tveim metrum frá pinna. Pressan færðist yfir á Rose sem varð að fá sitt besta högg inn á flötina núna. Höggið var ágætt en samt lengra frá en Garcia. Hann varð að setja púttið niður og vonast eftir því að Garcia klúðraði. Púttið hjá Rose fór ekki niður og Garcia mátti því tvípútta. Það var tækifæri sem ekki einu sinni hann gat klúðrað. Hann þurfti heldur ekki tvö pútt því hann púttaði bara beint ofan í. Það var skemmtilegra. Garica fékk 233 milljónir í sinn hlut fyrir sigurinn en Rose fékk um 90 milljónum krónum minna.
Golf Mest lesið Opnaði sig um skilnaðinn og erfiða tíma Sport Trump fær blóðugan bardaga í Hvíta húsinu í afmælisgjöf Sport Arnar Gunnlaugs segir gagnrýnendur Liverpool gleyma mannlega þættinum Enski boltinn Bjarni Guðjóns tók einn KR-ing sérstaklega fyrir Íslenski boltinn „Hættiði að horfa á klám og hættiði að runka ykkur“ Sport Gleðin í klefanum hjá nýju Íslandsmeisturunum Íslenski boltinn „Þá er búið að yfirtaka sál félagsins“ Enski boltinn Guardiola ætlar að skipuleggja kvöldverð með Wenger og Ferguson Enski boltinn Stólarnir komust ekki heim og æfa í Grindavík fyrir stórleikinn Sport Laus úr útlegðinni og mættur heim Handbolti Fleiri fréttir „Heimskulegt og asnalegt hjá mér“ „Ertu að horfa Donald Trump?“ Bjór kastað í konu McIlroy: „Þurfti að þola ótrúlegt magn af svívirðingum“ Evrópa marði Ryder-bikarinn á dramatískan hátt Bandaríkin í brekku en reyna að klóra í bakkann Grínisti hættir og biðst afsökunar á að hafa byrjað níðsöngva í garð Rory Fyrirliði Bandaríkjanna ver gjammandi stuðningsmennina Evrópa með afgerandi forystu fyrir lokadaginn Sagði áhorfanda að naglhalda kjafti Bandaríkin með bakið upp við vegg Fyrirliði Evrópu greinir frá því hvað Trump sagði við hann Trump missir ekki trúna: „Við munum klára þetta“ Bara einn spáði Bandaríkjunum sigri og annar vissi ekkert um Ryder-bikarinn „Keppni sem allir golfáhugamenn elska“ Svona hefst Ryder-bikarinn: „Viljum ná öflugri byrjun“ Þora ekki að horfa á strákinn vegna fúkyrðaflaums Fyrirliði Evrópu baunar á Bandaríkin: „Drifnir áfram af einhverju sem peningar geta ekki keypt“ Stjörnustjarfur þegar hann sá Zola á Ryder bikarnum Varar við áhorfendum á Ryder Cup: „Hey Rahmbo, hvar er Ozempicið?“ Bandarísku kylfingarnir gefa Ryder-launin eftir gagnrýni Gunnlaugur Árni næstefstur og verður á Golf Channel í kvöld Rosalegt prump samherja setti Hatton út af laginu Ragnhildur endaði önnur eftir bráðabana Vaknaði útataður í eigin ælu eftir að hafa komist í Ryder-lið Evrópu Andrea tók sjötta sætið Stórsér á stjörnunni eftir leikfang dótturinnar Eina breytingin á Ryderliðinu var að skipta um tvíbura Sjá meira