Citroën C5 Aircross lofar góðu

Svona útlit og 313 hestöfl er eitthvað sem flestir myndu sætta sig við, en Citroën mun sýna þennan bíl í næsta mánuði á bílasýningunni í Shanghai í Kína. Þeir hjá Citroën segja að framleiðslugerð bílsins verði ekki langt frá þessu útliti og erfi því mikið útlitið af Aircross Concept tilraunabílnum sem fyrst var sýndur árið 2015.

Þó má telja ólíklegt að bíllinn verði á 22 tommu felgum, eins og sá bíll var. Þegar Citroën sýndi þann tilraunbíl var það með þeim orðum að þar færi framtíðarútlit Citroën bíla og þá líklega meint í flokki jepplinga. Drifrás Citroën C5 Aircross samanstendur af brunavél og rafmótorum sem saman senda 313 hestöfl til hjólanna.

Meiningin er að Citroën C5 Aircross komi í sölu strax á næsta ári.