Innlent

Henti páskaeggjum í lögguna

Jóhann Óli Eiðsson skrifar
Fjölmörg páskaegg voru í molum eftir atvikið.
Fjölmörg páskaegg voru í molum eftir atvikið. MYND/EGILL VIÐARSSON
Maður í annarlegu ástandi var handtekinn í verslun Hagkaups við Eiðistorg í fyrrinótt grunaður um eignaspjöll.

Maðurinn lét öllum illum látum þegar lögreglu bar að garði en hann grýtti meðal annars páskaeggjum í lögreglumenn sem reyndu að róa hann. Ólátaseggurinn gisti í fangageymslu.

Auk máls páskaeggjakastarans var lögregla kölluð til vegna stúta sem óku undir áhrifum. Fangageymslur á Hverfisgötu voru fullar og var nokkrum komið fyrir í Hafnarfirði. 

Fréttin birtist fyrst í Fréttablaðinu.

Birtist í Fréttablaðinu

Mest lesið


Fleiri fréttir

Sjá meira


×

Mest lesið