Ólafía söng og dansaði eftir hringinn | Myndband

Gleðin var svo sannarlega við völd hjá okkar konu, Ólafíu Þórunni Kristinsdóttur, eftir að hún komst í gegnum niðurskurðinn á ISPS Handa-mótinu á LPGA-mótaröðinni í morgun.

Ólafía Þórunn þurfti heldur betur að hafa fyrir því að komast í gegnum niðurskurðinn og dugði ekkert minna en fuglar á síðustu tveimur holunum til þess að komast áfram.

Það tókst með glæsibrag enda vippaði hún ofan í 18. holuna. Pressa hvað?

Það skal því engan undra að það hafi verið létt yfir henni og kylfusveini hennar, Guðlaugi frænda, eftir hringinn er þau brustu í dans og söng sem má sjá hér að neðan.

Fyrir þá sem eru ekki á snapchattinu mínu verð ég að deila þessu meistaraverki. Fyrir hringinn í dag og svo eftir hringinn Dyggir Tomma og Jenna aðdáendur #wehavefun #viðeigumsamleið #whataday

A post shared by Ólafía Kristinsdóttir (@olafiakri) on Feb 17, 2017 at 12:43am PST