Nýr rafbíll með allt að 400 km drægni

Viðskiptavinir BL fá fyrstu Renault ZOE rafmagnsbíla afhenta í lok þessa mánaðar. Bílaumboðið fær reynsluakstursbíl upp úr 20. febrúar og um sama leyti kemur sýningarbíll í salinn við Sævarhöfðann. Renault ZOE er mest seldi rafbíllinn í Evrópu og nú er hann kominn með nýja rafhlöðu sem hefur tvöfalt meiri drægni en rafhlaða eldri bíla, eða allt að 400 km miðað við bestu aðstæður. 

Hjá BL kostar nýr ZOE Intens 3.690 þúsundir króna og er bíllinn mjög vel útbúinn. Meðal staðalbúnaðar má nefna umhverfshljóð fyrir gangandi vegfarendur, sjálfvirk halogen aðalljós, bakkmyndavél, fjarlægðarskynjara að aftan, regnskynjara á þurrkum, rafdrifna og hitaða aðfellanlega útispegla, leðurklætt aðgerðarstýri, sjálfvirka miðstöð með loftkælingu og tímastilli, bremsu- og brekkuaðstoð, spólvörn, stöðugleikastýringu og dekkjaþrýstingskerfi.

Einnig má nefna aðdráttar- og veltistýri, hraðastilli með hraðatakmarkara, Media Nav með 7“ snertiskjá, leiðsögukerfi með Íslandskorti, USB og AUX tengi og margt fleira. Renault Zoe var valinn rafmagnsbíll ársins 2017 í Bretlandi af What Car?