Sjáðu fótboltavöll breytast í handboltahöll á einni mínútu | Myndband

Strákarnir okkar í íslenska landsliðinu í handbolta féllu úr leik á HM 2017 í Frakklandi á móti gestgjöfunum þegar þeir töpuðu í 16 liða úrslitum á laugardaginn, 31-25.

Leikurinn fór fram á Stade Pierre-Mauroy sem er fótboltavöllur franska 1. deildar liðsins Lille en honum var breytt í handboltahöll í þeim tilgangi að setja áhorfendamet.

Rétt ríflega 28 þúsund áhorfendur sáu Frakkana komast í 16 liða úrslitin á móti Íslandi á þessu ótrúlega sviði handboltans en stemningin í húsinu var alveg rafmögnuð.

Stade Pierre-Mauroy er fjölnota mannvirki sem er notað sem tónleikahús og þá er hægt að spila körfubolta þarna en riðill Frakklands á EM 2015 í körfubolta fór fram í þessu húsi.

Það er stórmerkilegt að sjá hvernig helmingur fótboltavallarins er færður ofan á hinn helminginn og íþróttahöll byggð inn á fótboltaleikvangnum.

Í myndbandinu hér að neðan er búið að klippa saman mínútu langt myndband þar sem sést hvernig mótshaldarar á HM í Frakklandi gerðu handboltahöll á þessum glæsilega fótboltavelli.