Ólafía Þórunn Kristinsdóttir er í 37. sæti eftir fyrsta hringinn á Pure Silk Bahama Classic-mótinu á Bahamaeyjum. Mótið er hluti af LPGA mótaröðinni.
Ólafía, sem er fyrsti Íslendingurinn sem leikur á þessari sterkustu mótaröð heims, spilaði vel í dag, á 71 höggi, eða á tveimur höggum undir pari.
Þrettán kylfingar léku á tveimur undir pari í dag en þeir eru jafnir í 37. sætinu. Alls taka 108 kylfingar þátt í mótinu.
Brittany Lincicome frá Bandaríkjunum er með forystu á níu höggum undir pari.
Keppni heldur áfram á morgun en Ólafía hefur leik um klukkan 17:30. Útsendingin Golfstöðvarinnar hefst klukkan 16:30.
Ólafía Þórunn í 37. sæti eftir fyrsta keppnisdaginn á Bahamaeyjum
Tengdar fréttir

Ólafía Þórunn: Upphafshöggin voru lengri í dag en fyrir nokkrum vikum
Ólafía Þórunn Kristinsdóttir gerði góða hluti á fyrsta hringnum á Pure Silk Bahama Classic-mótinu á Bahamaeyjum í dag.

Frábær fyrsti hringur hjá Ólafíu Þórunni
Ólafía Þórunn Kristinsdóttir, atvinnukylfingur úr GR, lék einkar vel á fyrsta degi Pure Silk Bahama Classic-mótinu á Bahamaeyjum.

Sjáðu Ólafíu stíga sín fyrstu spor á LPGA
Ólafía Þórunn kynnt til leiks í fyrsta sinn á LPGA-mótaröðinni og hennar fyrstu högg á myndbandi.

Vil mjólka það að ég sé frá Íslandi
Ólafía Þórunn Kristinsdóttir brýtur í dag blað í sögu íslensks golfs er hún verður fyrsti íslenski kvenkylfingurinn sem keppir á bandarísku atvinnumótaröðinni í golfi. Mótið fer fram á Bahama-eyjum.