Íslenska karlalandsliðið skipað leikmönnum 21 árs og yngri er komið á HM sem fer fram í Alsír næsta sumar.
Þetta var ljóst eftir sigur Litháa á Serbum í kvöld. Fyrr í dag unnu íslensku strákarnir sjö marka sigur á Grikkjum, 24-31.Í gær vann Ísland Litháen með sama mun, 32-25.
Ísland er með fjögur stig á toppi síns riðils í undankeppninni. Litháen og Grikkland eru með tvö stig í sætum 2. og 3. sæti en geta ekki komist upp fyrir Ísland sökum lakari árangurs í innbyrðis viðureignum.
Íslendingar mæta stigalausum Serbum í lokaleik sínum í hádeginu á morgun.
Arnar Freyr Arnarsson og Ómar Ingi Magnússon áttu að leika með U-21 árs liðinu gegn Serbum á morgun og voru því kallaðir úr A-landsliðinu sem tekur nú þátt á æfingamóti í Danmörku.
Óvíst er hvort þeir spili með á morgun en þeir verða væntanlega báðir í lokahópi A-landsliðsins sem fer á HM í Frakklandi.
Strákarnir þurftu ekkert á Arnari Frey og Ómari Inga að halda | Komnir á HM
Tengdar fréttir
Óðinn skoraði ellefu mörk þegar strákarnir unnu Litháa
Íslenska 21 árs landsliðið byrjaði vel undankeppni fyrir HM U-21 landsliða en íslenska liðið vann sjö marka sigur á Litháen, 32-25, þrátt fyrir að leika án tveggja lykilmanna.
Annar sjö marka sigur hjá strákunum
Íslenska karlalandsliðið í handbolta skipað leikmönnum 21 árs og yngri er með fullt hús í sínum riðli í undankeppni HM eftir sigur á Grikkjum í dag, 24-31.
