Hundur Obama beit gest í Hvíta húsinu

nína hjördís þorkelsdóttir skrifar 15. janúar 2017 16:47

Sunny, annar tveggja hunda Obama fjölskyldunnar, beit 18 ára stúlku í kinnina á mánudaginn var.

Stúlkan, sem er átján ára gömul, er vinkona Maliu Obama sem er elsta dóttir forsetans. Atvikið átti sér stað þegar stúlkan beygði sig niður til þess að kyssa Sunny. Hundurinn beit hana þá í kinnina og hlaut stúlkan skurð.

Samkvæmt fjölmiðlum vestanhafs var skurðurinn það djúpur að sauma þurfti fyrir.

Sunny er portúgalskur vatnahundur en hundar af þeirri tegund eru ekki gjarnir á að bíta fólk. Sunny kom á heimili Obama-fjölskyldunnar árið 2013 en hundurinn Bo var þar fyrir. Eru þeir af sömu tegund.

Malia Obama er með ofnæmi fyrir flestum hundategundum en portúgalskir vatnahundar er ekki sérlega ofnæmisvaldandi, miðað við aðrar tegundir. Því varð tegundin fyrir valinu þegar fjölskyldan ákvað að festa kaup á hundi skömmu eftir að hún flutti inn í Hvíta húsið 2008.

Tengdar fréttir

Obama þrífur sjálfur upp eftir portúgalska vatnahundinn

Þó Barack Obama sé forseti Bandaríkjanna með tilheyrandi þjónum þá lætur hann sig ekki muna um að þrífa upp eftir hundinn sinn eins og hver annar borgari.

22. desember 2010 09:31

Ætlaði sér að ræna hundi Obama forseta

Lögregla fann riffil, skammbyssu og sveðju í bíl mannsins. Hann er grunaður um vopnalagabrot.

9. janúar 2016 11:12

Hundurinn Sunny fluttur í Hvíta Húsið

Forsetahjónin Barack og Michelle Obama hafa nú boðið velkominn í fjölskylduna, hundinn, Sunny. Hundurinn er portúgalskur vatnahundur og eru allir í Hvíta Húsinu í skýjunum með nýjasta meðliminn. Talsmaður Hvíta Hússins sagði á Twitter síðu sinni að þessi tegund henti vel þeim eru með ofnæmi, en dóttir hjónanna, Malia Obama er einmitt með hundaofnæmi.

20. ágúst 2013 09:24