Kylfingur ýtti krókódíl út í vatn | Myndband

Það þarf greinilega meira en stóran krókódíl til að koma kylfingnum Cody Gribble úr jafnvægi.

Þessi 26 ára gamli Bandaríkjamaður sýndi það á Arnold Palmer Invitational mótinu á Bay Hill's vellinum í Flórída í gær.

Gribble kom þá auga á stóran krókódíl sem flatmagaði á brautinni. Hann lét sér ekki bregða og danglaði í halann á krókódílnum sem stökk út í vatnið.

Myndband af þessu atviki hefur vakið talsverða athygli, Gribble til mikillar furðu.

„Ég vissi ekki að þetta hefði náðst á myndband,“ sagði Gribble.

„Krókódílinn leit út fyrir að þurfa á hreyfingu að halda. Hann sat þarna og var fyrir mér og þar sem ég var ekki að spila vel vildi ég koma adrenalínunu af stað,“ bætti kylfingurinn óttalausi við.

Don't try this at home.

pic.twitter.com/BUumzwPH21

— PGA TOUR (@PGATOUR) March 16, 2017