Jón Arnór og Thelma Dís bestu leikmenn tímabilsins

Jón Arnór Stefánsson, leikmaður Íslandsmeistara KR í Domino´s-deild karla í körfubolta og Thelma Dís Ágústsdóttir, leikmaður Íslandsmeistara Keflavíkur í Domino´s-deild kvenna kvenna, voru kjörnir bestu leikmenn tímabilsins en körfuboltaveturinn var gerður upp í Ægisgarði úti á Granda í hádeginu í dag.

Jón Arnór leiddi KR-liðið til fjórða Íslandsmeistaratitilsins í röð en þetta er sá þriðji sem hann vinnur á ferlinum. Jón Arnór var einnig valinn besti leikmaður úrslitakeppninnar eftir einvígið á móti Grindavík í lokaúrslitum Íslandsmótsins.

Jón Arnór er eini KR-ingurinn í úrvalsliðinu en það skipa einnig Matthías Orri Sigurðarson úr ÍR, Logi Gunnarsson úr Njarðvík, Ólafur Ólafsson úr Grindavík og Hlynur Bæringsson úr Stjörnunni.

Jóhann Þór Ólafsson, þjálfari Grindavíkur, sem kom öllum á óvart með því að koma Grindavíkurliðinu í oddaleik um Íslandsmeistaratitiilinn, var kjörinn þjálfari ársins en það eru þjálfarar deildarinnar sem velja það. Önnur verðlaun eru kosin af leikmönnum og sérstakri dómnefnd.

Þórir Guðmundur Þorbjarnarson úr KR var kjörinn besti ungi leikmaðurinn, Hlynur Bæringsson var varnarmaður ársins, Tryggvi Snær Hlinason úr Þór var prúðasti leikmaðurinn og Amin Stevens, leikmaður Keflavíkur, var besti erlendi leikmaðurinn í vetur.

Thelma Dís Ágústsdóttir, sem var nú var kjörin besti leikmaður Domino´s-deildarinar kvenna, var besti ungi leikmaðurinn á síðustu leiktíð. Thelma var frábær í vetur en hún bætti sinn leik mikið í úrslitakeppninni og fór fyrir Keflavíkurliðinu sem stóð uppi sem Íslandsmeistari.

Hún er önnur af tveimur stúlkum úr Keflavíkurliðinu sem eru í úrvalsliði vetrarins en í því eru einnig Emelía Ósk Gunnarsdóttir, Keflavík, Berglind Gunnarsdóttir, Snæfelli, Sigrún Sjöfn Ámundadóttir, Skallagrími og Ragna Margrét Brynjarsdóttir úr Stjörnunni.

Sverrir Þór Sverrisson, þjálfari Íslandsmeistaranna, var kjörinn besti þjálfari deildarinnar, en leikmenn hans sópuðu svo sannarlega að sér verðlaunum.

Birna Valgerður Benónýsdóttir úr Keflavík var kjörin besti ungi leikmaður deildarinnar en hún er aðeins sextán ára gömul. Salbjörg Ragna Sævarsdóttir var besti varnarmaðurinn og Ariana Moorer besti erlendi leikmaður vetrarins í kvennaboltanum.

Salbjörg Ragna var einnig kjörin prúðasti leikmaðurinn en það eru dómarar deildarinnar sem kjósa til um þann heiður.

Dómari ársins var svo á endanum kjörinn Sigmundur Már Herbertsson.

Róbert Sigurðsson úr Fjölni var kjörinn besti leikmaður ársins í 1. deild karla og Sóllilja Bjarnadóttir besti leikmaður 1. deildar kvenna en öll verðlaun vetrarins má finna hér að neðan.

Domino´s deild karla 2016-17:

Úrvalslið

Matthías Orri Sigurðarson ÍR

Logi Gunnarsson Njarðvík

Jón Arnór Stefánsson KR

Ólafur Ólafsson Grindavík

Hlynur Bæringsson Stjarnan

Leikmaður ársins

Jón Arnór Stefánsson KR

Þjálfari ársins

Jóhann Þór Ólafsson Grindavík

Besti ungi leikmaðurinn

Þórir Guðmundur Þorbjarnarson KR

Varnarmaður ársins

Hlynur Bæringsson Stjarnan

Besti erlendi leikmaður ársins

Amir Stevens Keflavík

Prúðasti leikmaðurinn

Tryggvi Hlinason Þór Ak.

1. deild karla 2016-17:

Úrvalslið

Róbert Sigurðsson Fjölnir

Austin Bracey Valur

Ragnar Gerald Albertsson Höttur

Örn Sigurðarson Hamar

Mirko Virijevic Höttur

Leikmaður ársins

Róbert Sigurðsson Fjölnir

Þjálfari ársins

Viðar Hafsteinsson Höttur

Besti ungi leikmaðurinn

Hilmar Pétursson Hamar

Domino´s deild kvenna 2016-17:

Úrvalslið

Berglind Gunnarsdóttir Snæfell

Emelía Ósk Gunnarsdóttir Keflavík

Thelma Dís Ágústsdóttir Keflavík

Sigrún Sjöfn Ámundadóttir Skallagrímur

Ragna Margrét Brynjarsdóttir Stjarnan

Leikmaður ársins

Thelma Dís Ágústsdóttir Keflavík

Þjálfari ársins

Sverrir Þór Sverrisson Keflavík

Besti ungi leikmaðurinn

Birna Benónýsdóttir Keflavík

Varnarmaður ársins

Salbjörg Sævarsdóttir Keflavík

Besti erlendi leikmaður ársins

Ariana Moorer Keflavík

Prúðasti leikmaðurinn

Salbjörg Sævarsdóttir Keflavík

1. deild kvenna:

Úrvalslið

Sóllilja Bjarnadóttir Breiðablik

Telma Lind Ásgeirsdóttir Breiðablik

Unnur Lára Ásgeirsdóttir Þór Ak.

Rut Herner Konráðsdóttir Þór Ak.

Isabella Ósk Sigurðardóttir Breiðablik

Leikmaður ársins

Sóllilja Bjarnadóttir Breiðablik

Þjálfari ársins

Hildur Sigurðardóttir Breiðablik

Besti ungi leikmaðurinn

Ásta Júlía Grímsdóttir KR

Dómari ársins 2016-17

Sigmundur Már Herbertsson