Íslensk söngkona sem meinað var um áritun til Bandaríkjanna var viðstödd embættistöku Obama Heimir Már Pétursson skrifar 1. mars 2017 12:00 Júlía Hermannsdóttir er söngkona og hljómborðsleikari í hljómsveitinni Oyama. Vísir/Getty Vegabréfsáritun ungrar tónlistarkonu til Bandaríkjanna sem gefin var út til tveggja ára var skyndilega numin úr gildi án útskýringa þegar hún ætlaði að fara þangað í tónleikaferðalag með hljómsveit sinni. Hún var áður við nám í Bandaríkjunum og var meðal annars viðstödd fyrri innsetningu Barack Obama í embætti forseta. Júlía Hermannsdóttir er söngkona og hljómborðsleikari í hljómsveitinni Oyama sem þáði boð um að hita upp fyrir bandaríska hljómsveit á fernum tónleikum í Bandaríkjunum og að fylgja hljómsveitinni síðan á tónleikaferðalag um Bretland. Júlía var námsmaður í New York frá árinu 2006 og flutti síðan heim í febrúar árið 2011. Eftir það hefur hún oft farið til Bandaríkjanna. „Ég ætlaði að fara tveim dögum fyrr til að heimsækja vini mína í New York eins og ég hef eiginlega gert á hverju ári frá því ég flutti heim. Ég á mjög góða vini þarna sem ég reyni að eyða eins miklum tíma með og ég get,“ segir Júlía. Hún hafi síðast farið til Bandaríkjanna í apríl fyrra og þá sótt um ESTA heimild sem gilda eigi í tvö ár. Af rælni hafi hún í gær farið á heimasíðu ESTA til að tékka á ferðaheimildinni en fyrirhugað var að hún færi vestur um haf á morgun. Þá hafi hún uppgötvað sér til undrunar að heimildin hafi verið numin úr gildi án skýringa. „Þetta virðist hafa verið uppfært fyrir fimm dögum. Ég er ekki látin vita af þessu og það er ekki gefin nein ástæða. Svo hafði ég samband við sendiráðið og þar kom skýrt fram að þau gætu ekki svarað neinum spurningum um þetta. Ég yrði að hringja til ESTA skrifstofunnar hjá Landamæragæslu Bandaríkjanna. Sem ég og gerði og náði loksins sambandi við einhvern þar eftir þrjá klukktíma,“ segir Júlía. Þar hafi engar skýringingar fengist og aftur bent á sendiráð Bandaríkjanna í Reykjavík. Þar hafi eins og áður engar skýringar fengist. En Júlíu var boðið að sækja um annars konar ferðaheimild. Til að fá hana þurfti hún að fylla út eyðublöð og gefa nákvæmar upplýsingar um fyrri ferðir sínar til Bandaríkjanna og fjölskylduhagi. Júlía segist ekki hafa lenti í neinum vandræðum í Bandaríkjunum, hvorki meðan hún var þar við nám eða í tíðum ferðum sínum þangað.Í gestastúku við embættistöku Obama„Ég var viðstödd innsetningu Obama þegar hann varð forseti í Bandaríkjunum. Einhverjir voru að velta fyrir sér hvort þetta gæti verið út af því. En ég veit ekki alveg hvernig þau ættu að hafa getað fylgst með því,“ segir Júlía og hlær. Þetta var árið 2008 en Júlía var ásamt öðrum í gestastúku við þinghúsið þegar Obama sór embættiseið sinn. Það var vegna tegsla vinar hennar við dóttur John Boehner þingmanns Republikana og síðar leiðtoga þeirra í fulltrúadeild Bandaríkjaþings. Hann sótti athöfnina ekki sjálfur en lét dóttur sína fá boðsmiðana. Það skyldi þá ekki vera að þetta sé túlkað sem stuðningur þinn við Obama og andstaða við núverandi Bandaríkjaforseta? „Ég veit ekki. Þetta er eitthvað sem ég hef ekki sagt opinberlega frá. Þannig að það væri ótrúlegt ef það væri ástæðan. Ég er að vona að þetta sé frekar að ég hafi óheppilegt nafn eða óheppilegt vegabréfsnúmer. Það sé bara eitthvað rugl í kerfinu sem setur allt á stopp,“ segir Júlía. Fréttastofan fékk þær upplýsingar frá upplýsingafulltrúa bandaríska sendiráðsins í morgun að sendiráðið væri tilbúið að taka Júlíu fram fyrir í röð um afgreiðslu vegabréfsheimilda, þannig að ekki er útilokað að hún komist þrátt fyrir allt með hljómsveitarfélögum sínum til Bandaríkjanna á morgun. Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Forsetavaktin 2024: Hver verður sjöundi forseti lýðveldisins? Innlent Gular viðvaranir á Suðurlandi, Suðausturlandi og Faxaflóa á morgun Innlent Segja grafalvarlegt mál að fresta atkvæðagreiðslu Innlent „Engu okkar er boðið að koma þarna og sjá“ Innlent Ekki megrunarlyf heldur lyf við offitu Innlent Myndband sýnir árás Diddy Erlent Slagsmálahundar afþökkuðu aðstoð lögreglu Innlent „Það er miður að það falli til kostnaður vegna þessa“ Innlent Fleiri fréttir Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira
Vegabréfsáritun ungrar tónlistarkonu til Bandaríkjanna sem gefin var út til tveggja ára var skyndilega numin úr gildi án útskýringa þegar hún ætlaði að fara þangað í tónleikaferðalag með hljómsveit sinni. Hún var áður við nám í Bandaríkjunum og var meðal annars viðstödd fyrri innsetningu Barack Obama í embætti forseta. Júlía Hermannsdóttir er söngkona og hljómborðsleikari í hljómsveitinni Oyama sem þáði boð um að hita upp fyrir bandaríska hljómsveit á fernum tónleikum í Bandaríkjunum og að fylgja hljómsveitinni síðan á tónleikaferðalag um Bretland. Júlía var námsmaður í New York frá árinu 2006 og flutti síðan heim í febrúar árið 2011. Eftir það hefur hún oft farið til Bandaríkjanna. „Ég ætlaði að fara tveim dögum fyrr til að heimsækja vini mína í New York eins og ég hef eiginlega gert á hverju ári frá því ég flutti heim. Ég á mjög góða vini þarna sem ég reyni að eyða eins miklum tíma með og ég get,“ segir Júlía. Hún hafi síðast farið til Bandaríkjanna í apríl fyrra og þá sótt um ESTA heimild sem gilda eigi í tvö ár. Af rælni hafi hún í gær farið á heimasíðu ESTA til að tékka á ferðaheimildinni en fyrirhugað var að hún færi vestur um haf á morgun. Þá hafi hún uppgötvað sér til undrunar að heimildin hafi verið numin úr gildi án skýringa. „Þetta virðist hafa verið uppfært fyrir fimm dögum. Ég er ekki látin vita af þessu og það er ekki gefin nein ástæða. Svo hafði ég samband við sendiráðið og þar kom skýrt fram að þau gætu ekki svarað neinum spurningum um þetta. Ég yrði að hringja til ESTA skrifstofunnar hjá Landamæragæslu Bandaríkjanna. Sem ég og gerði og náði loksins sambandi við einhvern þar eftir þrjá klukktíma,“ segir Júlía. Þar hafi engar skýringingar fengist og aftur bent á sendiráð Bandaríkjanna í Reykjavík. Þar hafi eins og áður engar skýringar fengist. En Júlíu var boðið að sækja um annars konar ferðaheimild. Til að fá hana þurfti hún að fylla út eyðublöð og gefa nákvæmar upplýsingar um fyrri ferðir sínar til Bandaríkjanna og fjölskylduhagi. Júlía segist ekki hafa lenti í neinum vandræðum í Bandaríkjunum, hvorki meðan hún var þar við nám eða í tíðum ferðum sínum þangað.Í gestastúku við embættistöku Obama„Ég var viðstödd innsetningu Obama þegar hann varð forseti í Bandaríkjunum. Einhverjir voru að velta fyrir sér hvort þetta gæti verið út af því. En ég veit ekki alveg hvernig þau ættu að hafa getað fylgst með því,“ segir Júlía og hlær. Þetta var árið 2008 en Júlía var ásamt öðrum í gestastúku við þinghúsið þegar Obama sór embættiseið sinn. Það var vegna tegsla vinar hennar við dóttur John Boehner þingmanns Republikana og síðar leiðtoga þeirra í fulltrúadeild Bandaríkjaþings. Hann sótti athöfnina ekki sjálfur en lét dóttur sína fá boðsmiðana. Það skyldi þá ekki vera að þetta sé túlkað sem stuðningur þinn við Obama og andstaða við núverandi Bandaríkjaforseta? „Ég veit ekki. Þetta er eitthvað sem ég hef ekki sagt opinberlega frá. Þannig að það væri ótrúlegt ef það væri ástæðan. Ég er að vona að þetta sé frekar að ég hafi óheppilegt nafn eða óheppilegt vegabréfsnúmer. Það sé bara eitthvað rugl í kerfinu sem setur allt á stopp,“ segir Júlía. Fréttastofan fékk þær upplýsingar frá upplýsingafulltrúa bandaríska sendiráðsins í morgun að sendiráðið væri tilbúið að taka Júlíu fram fyrir í röð um afgreiðslu vegabréfsheimilda, þannig að ekki er útilokað að hún komist þrátt fyrir allt með hljómsveitarfélögum sínum til Bandaríkjanna á morgun.
Mest lesið Of þung en annars hraust á Ozempic Innlent Skuldirnar bíði þegar frelsið taki við Innlent Forsetavaktin 2024: Hver verður sjöundi forseti lýðveldisins? Innlent Gular viðvaranir á Suðurlandi, Suðausturlandi og Faxaflóa á morgun Innlent Segja grafalvarlegt mál að fresta atkvæðagreiðslu Innlent „Engu okkar er boðið að koma þarna og sjá“ Innlent Ekki megrunarlyf heldur lyf við offitu Innlent Myndband sýnir árás Diddy Erlent Slagsmálahundar afþökkuðu aðstoð lögreglu Innlent „Það er miður að það falli til kostnaður vegna þessa“ Innlent Fleiri fréttir Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Sjá meira