Vilja kosta og byggja upp ferðamannastaði Svavar Hávarðsson skrifar 3. febrúar 2017 07:00 Arnór Þ. Sigfússon kynnti áform fyrirtækisins í gær. Nú þegar eru viðræður í gangi um uppbyggingu á ferðamannastöðum víða um land. Verkefnin eru margvísleg og af ólíkum toga. Verkefnin dreifast um allt land og eru ýmist á vegum sveitarfélaga, ríkis eða einkaaðila. vísir/ernir Verkfræðistofan Verkís og félagið Bergrisi hafa sett á fót félag sem býður landeigendum fjármögnun, hönnun og framkvæmd við uppbyggingu ferðamannastaða án kostnaðar eða útgjalda. Á það við um einstaklinga, fyrirtæki, sveitarfélög eða ríkið. Félagið, sem ber nafnið Sannir landvættir, hefur Íslandsbanka að bakhjarli og er ætlað að höggva á þann hnút sem hefur myndast í uppbyggingu ferðamannastaða. Arnór Þ. Sigfússon, framkvæmdastjóri Sannra landvætta, kynnti félagið og áform þess í gær. Kom fram að nýtt félag mun annast alla þætti skipulagsvinnu, hönnunar, uppbyggingar, fjármögnunar og reksturs viðkomandi svæðis – allt eftir óskum hvers og eins. Rekstur einstakra svæða nær til reksturs bílastæða með hreinlætisaðstöðu og sorphirðu auk vetrarþjónustu þar sem þess er þörf. „Það hefur verið talað um uppbyggingu ferðamannastaða undanfarin ár. En það gerist ekki nógu mikið og við sjáum þarna tækifæri sem við ætlum að reyna að nýta í samstarfi við landeigendur og stuðla að uppbyggingu strax,“ sagði Arnór og bætti við að verkefnin sem til greina koma geti verið jafnt einföld sem mjög flókin og umfangsmikil. „Um stærri verkefni munum við stofna rekstrarfélag um svæðið. Félagið mun greiða sína skatta og skyldur til þess sveitarfélags sem það tilheyrir. Á þeim svæðum þar sem er mikil umferð þurfum við hugsanlega starfsmenn og þá munum við ráða landvætti, eða landverði, sem eru þar til staðar til að leiðbeina gestum og annast umhirðu á svæðinu,“ sagði Arnór. „Þetta mun allt fara eftir því hvað við teljum að hvert svæði beri. Gjaldtaka verður fyrir þjónustu og aðstöðuna, en ekki fyrir að fá að skoða svæðið,“ bætti Arnór við og Fréttablaðið fékk staðfest að aðstandendur félagsins ræddu það sérstaklega að þeir sem koma án þess að nýta til dæmis bílastæði eða salerni fara um svæðið að vild. Hverjum landeiganda er frjálst að koma að félaginu sem meðeigandi, og eignast það að ákveðnum tíma liðnum og var viðskiptamódel Hvalfjarðarganga nefnt í þessu samhengi. „Um leið og gjaldtaka hefst mun landeigandi fá rentu af því sem kemur í kassann en stærsti hlutinn fer fyrst í stað í að borga fyrir uppbygginguna,“ sagði Arnór. Spurður hvort einkaframtakið sé ekki í raun að skera ríkið niður úr snörunni, segir Magnús Þ. Karlsson, stjórnarformaður félagsins, að það sé alls ekki neikvætt að horfa á það með þeim hætti. „Okkur er jafnvel líkt við náttúrupassann sem er eldra dæmi, við erum bara ánægðir með þá samlíkingu,“ segir Magnús. Hann játar því að viðskiptahugmyndin er byggð að hluta á þeirri staðreynd að fjármagn sem er bundið í sjóðum, þar á meðal ríkisins, nýtist ekki af ýmsum ástæðum. Félagið höggvi á þann hnút. Þórólfur Gunnarsson, rekstrarstjóri félagsins, segir að Sannir landvættir hafi burði til að taka þrjátíu til fimmtíu staði til umfjöllunar strax í dag. Spurður hvað hægt sé að vinna við uppbyggingu á mörgum stöðum í einu þegar fram í sækir segir Þórólfur að 400 starfsmenn séu innan vébanda Verkís og tíu starfsstöðvar um landið allt og sex erlendis. Því sé allt til staðar til að vinna með öllum sem mögulega leita til félagsins um samstarf – ekki síst einstaklingum sem annars hrökklast frá aðkallandi verkefnum sökum kostnaðar og flækjustigs. Fréttin birtist fyrst í Fréttablaðinu Birtist í Fréttablaðinu Mest lesið Dagar Workplace eru taldir Viðskipti erlent Base parking gjaldþrota Viðskipti innlent Forstjóri Play íhugar að fljúga frekar til Íslands en frá Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Magnús eignast Latabæ á nýjan leik Viðskipti innlent Starfsfólk fær 150 milljónir í hlutabréfum Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Sjá meira
Verkfræðistofan Verkís og félagið Bergrisi hafa sett á fót félag sem býður landeigendum fjármögnun, hönnun og framkvæmd við uppbyggingu ferðamannastaða án kostnaðar eða útgjalda. Á það við um einstaklinga, fyrirtæki, sveitarfélög eða ríkið. Félagið, sem ber nafnið Sannir landvættir, hefur Íslandsbanka að bakhjarli og er ætlað að höggva á þann hnút sem hefur myndast í uppbyggingu ferðamannastaða. Arnór Þ. Sigfússon, framkvæmdastjóri Sannra landvætta, kynnti félagið og áform þess í gær. Kom fram að nýtt félag mun annast alla þætti skipulagsvinnu, hönnunar, uppbyggingar, fjármögnunar og reksturs viðkomandi svæðis – allt eftir óskum hvers og eins. Rekstur einstakra svæða nær til reksturs bílastæða með hreinlætisaðstöðu og sorphirðu auk vetrarþjónustu þar sem þess er þörf. „Það hefur verið talað um uppbyggingu ferðamannastaða undanfarin ár. En það gerist ekki nógu mikið og við sjáum þarna tækifæri sem við ætlum að reyna að nýta í samstarfi við landeigendur og stuðla að uppbyggingu strax,“ sagði Arnór og bætti við að verkefnin sem til greina koma geti verið jafnt einföld sem mjög flókin og umfangsmikil. „Um stærri verkefni munum við stofna rekstrarfélag um svæðið. Félagið mun greiða sína skatta og skyldur til þess sveitarfélags sem það tilheyrir. Á þeim svæðum þar sem er mikil umferð þurfum við hugsanlega starfsmenn og þá munum við ráða landvætti, eða landverði, sem eru þar til staðar til að leiðbeina gestum og annast umhirðu á svæðinu,“ sagði Arnór. „Þetta mun allt fara eftir því hvað við teljum að hvert svæði beri. Gjaldtaka verður fyrir þjónustu og aðstöðuna, en ekki fyrir að fá að skoða svæðið,“ bætti Arnór við og Fréttablaðið fékk staðfest að aðstandendur félagsins ræddu það sérstaklega að þeir sem koma án þess að nýta til dæmis bílastæði eða salerni fara um svæðið að vild. Hverjum landeiganda er frjálst að koma að félaginu sem meðeigandi, og eignast það að ákveðnum tíma liðnum og var viðskiptamódel Hvalfjarðarganga nefnt í þessu samhengi. „Um leið og gjaldtaka hefst mun landeigandi fá rentu af því sem kemur í kassann en stærsti hlutinn fer fyrst í stað í að borga fyrir uppbygginguna,“ sagði Arnór. Spurður hvort einkaframtakið sé ekki í raun að skera ríkið niður úr snörunni, segir Magnús Þ. Karlsson, stjórnarformaður félagsins, að það sé alls ekki neikvætt að horfa á það með þeim hætti. „Okkur er jafnvel líkt við náttúrupassann sem er eldra dæmi, við erum bara ánægðir með þá samlíkingu,“ segir Magnús. Hann játar því að viðskiptahugmyndin er byggð að hluta á þeirri staðreynd að fjármagn sem er bundið í sjóðum, þar á meðal ríkisins, nýtist ekki af ýmsum ástæðum. Félagið höggvi á þann hnút. Þórólfur Gunnarsson, rekstrarstjóri félagsins, segir að Sannir landvættir hafi burði til að taka þrjátíu til fimmtíu staði til umfjöllunar strax í dag. Spurður hvað hægt sé að vinna við uppbyggingu á mörgum stöðum í einu þegar fram í sækir segir Þórólfur að 400 starfsmenn séu innan vébanda Verkís og tíu starfsstöðvar um landið allt og sex erlendis. Því sé allt til staðar til að vinna með öllum sem mögulega leita til félagsins um samstarf – ekki síst einstaklingum sem annars hrökklast frá aðkallandi verkefnum sökum kostnaðar og flækjustigs. Fréttin birtist fyrst í Fréttablaðinu
Birtist í Fréttablaðinu Mest lesið Dagar Workplace eru taldir Viðskipti erlent Base parking gjaldþrota Viðskipti innlent Forstjóri Play íhugar að fljúga frekar til Íslands en frá Viðskipti innlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Magnús eignast Latabæ á nýjan leik Viðskipti innlent Starfsfólk fær 150 milljónir í hlutabréfum Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Segir að Play sé og verði áfram með höfuðstöðvar á Íslandi Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fleiri fréttir Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Hagnaðist um tæpa ellefu milljarða þrátt slæman búskap Miklar verðbólguvæntingar halda vöxtunum uppi Sjá meira