Flestir Íslendingar ánægðir með lífið

Íslendingar virðast í meira en meðallagi ánægðir með líf sitt ef marka má nýjan þjóðarpúls Gallup. 78 prósent aðspurðra segjast þeir ánægðir með lífið, fjögur prósent óánægðir og sautján prósent hvorki né. Eitt prósent svaraði ekki.

Þegar litið er til heimsins alls í nýju könnuninni segjast 66 prósent heimsbúa ánægðir með líf sitt. Svokallaður ánægjustuðull, þar sem hlutfall óánægðra er dregið frá hlutfalli ánægðra, mælist mestur í Kólumbíu, 85, en áberandi lægstur í Írak, - 12.

29 prósent Íslendinga telja að hagir sínir verði betri á árinu 2016 en á síðasta ári en tíu prósent telja að þeir verði verri. Flestir segjast telja að hagir sínir verði svipaðir, 58 prósent.

Þá er í þjóðarpúlsinum spurt út efnahagshorfur á árinu 2016. 27 prósent aðspurðra telja að 2016 verði ár hagsældar á Íslandi en sextán prósent að það verði ár efnahagsörðugleika. 42 prósent svöruðu hvorki né.