Bein útsending: Kvöldfréttir Stöðvar 2

Ítarlega verður fjallað um hryðjuverkaárásirnar í Brussel í kvöldfréttum Stöðvar 2. Rætt verður við ríkislögreglustjóra og lögreglustjórann á Suðurnesjum um hækkað viðbúnaðarstig á alþjóðaflugvöllum. Þá verður einnig rætt við Íslendinga sem staddir eru í Brussel og utanríkisráðherra sem segir árásirnar geta haft veruleg áhrifá öryggisumhverfið í heiminum. Þá verðum við einnig í beinni frá Brussel þar sem fréttaritari okkar, Þorfinnur Ómarsson, er staddur.

Í fréttunum í kvöld verður einnig fjallað um niðurstöðu héraðsdóm Reykjavíkur, þess efnis að ríkið verður að loka minnstu flugbraut Reykjavíkurflugvallar innan sextán vikna eða borga milljón krónur í dagsektir.

Þá verður rætt við dóttur íslensks síbrotamanns sem segist hafa þurft að líða fyrir að vera dóttir föður síns frá unga aldri og hafa orðið fyrir aðkasti og fordómum.

Þetta og margt fleira í kvöldfréttum Stöðvar 2, klukkan 18:30 á samtengdum rásum Stöðvar 2 og Bylgjunnar. Sem fyrr verður fréttatíminn í beinni útsendingu á fréttavefnum Vísi.