Múlakaffi hagnast um 35 milljónir

Hagnaður Múlakaffis og dótturfélaga þess nam 35,2 milljónum króna árið 2015, en nam 62,9 milljónum króna árið áður.

Meginstarfsemi Múlakaffis og dótturfélaganna, GJ veitinga ehf., KH veitinga ehf. og T veitinga ehf., felst í mötuneytis- og veitingarekstri ásamt veisluþjónustu. Dótturfélagið Kvörnin ehf. er fasteignafélag.

Í árslok námu eignir samstæðunnar 870 milljónum króna og eigið fé 287 milljónum. Fjöldi ársverka á árinu 2015 var um 140.

Í árslok átti einn aðili, Jóhannes Stefánsson, allt hlutafé félagsins. Hann var jafnframt framkvæmdastjóri í árslok. Greiddur verður út arður að fjárhæð 50 milljónir vegna rekstrarársins 2015.