Styrktu Laugarás meðferðargeðdeild um 650 þúsund krónur

Fulltrúar Caritas Íslands afhentu Laugarási meðferðargeðdeild 650 þúsund króna styrk á dögunum en peningurinn var ágóði af tónleikum sem haldnir voru í nóvember síðastliðnum til að styrkja starfsemi deildarinnar.

Í fréttatilkynningu kemur fram að styrkurinn verði nýttur til þess að efla fræðslu- og kynningarstarf á starfseminni og þeim úrræðum sem Laugarásinn meðferðargeðdeild býður upp á. Er styrkurinn þannig mikil lyftistöng fyrir framþróun og áframhaldandi uppbyggingu á starfsemi Laugarássins.