Birgir Leifur hætti keppni vegna veikinda

Birgir Leifur Hafþórsson varð að draga sig úr keppni á Volapa-mótinu í Írlandi sem er hluti af Áskorendamótaröðinni í golfi.

Ástæðan er veikindi eins og Birgir Leifur staðfestir í samtali við kylfingur.is.

Þar segist Birgir Leifur hafa fengið heiftarlega magakveisu á miðvikudag en ávað að spila í gær. Hann segir það ekki hafa verið góða ákvörðun.

„Ég mat stöðuna þannig að ég væri ekki að fara gera neitt af viti á golfvellinum í harðri keppni í þessu ástandi. Ég ákvað að vera skynsamur enda eru mörg mót framundan á lokakafla keppnistímabilsins og ég verð að vera klár í þau mót,“ sagði Birgir Leifur við kylfing.is.

Heilsan verður vonandi komin í lag fyrir næsta mót.