IKEA innkallar GOTHEM-lampa

IKEA hefur ákveðið að innkalla alla GOTHEM gólf- og borðlampa vegna hættu á rafstuði, eftir að skemmdir fundust á rafleiðslum í nokkrum þeirra. Skemmdar rafleiðslur geta leitt til þess að lampafóturinn leiði rafmagn og skapi þannig hættu.

Hægt er að skila GOTHEM lömpum í IKEA og fá að fullu endurgreidda. Ekki er nauðsynlegt að sýna kvittun. Þetta kemur fram í tilkynningu frá IKEA en þar segir jafnframt:

„Jafnvel þótt lampinn virki eðlilega, eru viðskiptavinir sem eiga GOTHEM lampa hvattir til að taka þá úr notkun og skila í IKEA. Lamparnir verða endurgreiddir að fullu.

Innköllunin nær til allra þriggja útgáfa af GOTHEM lampanum; tveggja borðlampa og eins gólflampa.

IKEA hafa ekki borist tilkynningar um meiðsl á fólki en tilkynnt hefur verið um tvö tilvik frá viðskiptavinum og einu frá starfsmanni um vægt rafstuð. Ekki hefur verið tilkynnt um slíkt hér á landi. Vöruöryggi er ávallt í fyrirrúmi hjá IKEA og við getum ekki hætt á að alvarlegri slys gerist. Þess vegna innköllum við GOTHEM lampana til að koma í veg fyrir slys og vekja athygli á mögulegum galla.“