Ólafía Þórunn komst ekki í gegnum niðurskurðinn í Kína

Ólafía Þórunn Kristinsdóttir var grátlega nálægt því að komast í gegnum niðurskurðinn á Sanya Ladies Open mótinu í Kína í morgun.

Ólafía Þórunn var einu höggi frá því að komast í gegnum niðurskurðinn en er á samtals fimm höggum yfir pari eftir fyrstu tvo dagana.

Hún spilaði á tveimur höggum yfir pari í dag en mestu munaði um að hún fékk fjóra skolla í röð frá tíundu holu til þeirrar þrettándu.

Hún fékk fugl á fjórtándu holu en hefði þurft annan á síðustu þremur holunum en það tókst ekki.

60 efstu keppendurnir komust áfram í gegnum niðurskurðinn en Ólafía Þórunn hafnaði í 63.-78. sæti.