Heitavatnslaust í Selási á morgun

Heitavatnslaust verður í mestöllu Seláshverfinu í Árbæ á morgun frá klukkan níu til fimm. Þetta er vegna viðgerðar á aðveituæð hitaveitunnar, að því er kemur fram í tilkynningu frá Veitum.

Á uppdrætti hér að neðan er það svæði afmarkað sem verður fyrir vatnsleysinu. Það er allt Seláshverfið að undanskildum Brúnási og Brautarási 1 til 19.

Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst kemst á að nýju. Verði kalt á morgun er ráðlegt að hafa glugga og útidyr ekki opin lengur en þörf krefur til að koma í veg fyrir að það kólni.