Aðalbjörg nýr útibússtjóri Arion banka á Snæfellsnesi

Aðalbjörg A. Gunnarsdóttir hefur verið ráðin nýr útibússtjóri Arion banka á Snæfellsnesi.

Aðalbjörg hefur gegnt starfi þjónustustjóra Arion banka á Grundarfirði og tekur við starfinu af Kjartani Páli Einarssyni sem látið hefur af störfum.

„Aðalbjörg mun jafnframt taka við stjórnun útibúsins í Búðardal og verður hún því útibússtjóri þriggja útibúa bankans á Vesturlandi, í Grundarfirði, Búðardal og Stykkishólmi.

Aðalbjörg hefur unnið hjá Arion banka og forverum hans frá árinu 2001 eða í rúm 15 ár og gegnt margvíslegum störfum innan bankans,“ segir í tilkynningu frá bankanum.