Geir Þorsteinsson, formaður KSÍ, segir að sambandið hafi reiknað með auknum launakostnaði í kringum Evrópumótið í fótbolta hvort sem það yrðu ráðnir fleiri starfsmenn eða núverandi starfsmenn fengju aukamánuð greiddan vegna álags sem fylgdi mótinu.
Í gær sagði Fréttablaðið frá því að KSÍ hefði samþykkt að greiða formanninum einnig slíkar greiðslur.
„Ég gerði tillöguna um launauppbótina og síðar bar Gylfi [Orrason, formaður fjárhagsnefndar KSÍ, innsk. blm.] upp tillögu um formanninn. Þá vék ég af fundinum. Ég gat ekki borið fram tillögu um sjálfan mig,“ segir Geir.
„Heimildirnar fyrir þessum greiðslum eru í fjárhagsáætlun sambandsins frá ársþinginu,“ sagði hann.
Fréttin birtist fyrst í Fréttablaðinu
Gert var ráð fyrir auknum launakostnaði
Tengdar fréttir
Bónusgreiðslur hjá KSÍ: Geir fékk á aðra milljón króna eftir EM-ævintýrið
Stjórn Knattspyrnusambands Íslands greiðir starfsmönnum launauppbót vegna EM í Frakklandi í sumar. Upphæðin samsvaraði mánaðarlaunum hvers starfsmanns.
