Ragnarök fóru með sigur af hólmi gegn þýskum mótherjum í hjólaskautarallý

Keppt var í roller derby eða svokölluðu hjólaskautarallý í Hertz höllinni á Seltjarnarnesi í gær. Þar keppti íslenska liðið Ragnarök á móti þýskum mótherjum í liðinu Maniac Monsters Mainz. Lyktaði leiknum með  stórsigri Ragnaraka sem fékk 349 stig gegn 127 stigum andstæðingana.

Vinsældir íþróttagreinarinnar fara vaxandi hér á landi og er Ísland meðal annars með landslið í greininni. Í hjólaskautarallý eru fimm liðsmenn í hverju liði inn á í einu. Allir keppendur eru búnir hjólaskautum en engir boltar eru með í leiknum heldur fást stig með því að hringa andstæðingana.